Көпшілікке "Шакенти" лақап атымен танымал қазақстандық актер әрі блогер Шәріп Серік жүріп жүрген қызын соққы жыққан. Бұл туралы Әлия Бөтеева Instagram парақшасындағы жазбасында баяндады, деп хабарлайды “Адырна” ұлттық порталы.
Ол сүйген адамының өзіне қол көтергені жайлы айтып отыру — үш ұйықтаса түсіне кірмегенін айтты. Оның айтуынша, сенім мен махаббаттан басталған сезім күш көрсетуге дейін ұласып барып, аяқталды. Бейнежазбада Шәріптің қызды жұлқылап, лифтіден шығарып жатқаны көрсетілген. Ал суретте Әлия соққы тиген жүзін көрсетті.
«Мен физикалық жағынан әлсіз болсам да, мораль тұрғысынан қабылдауға болмайтын нәрсені айтпай, үндемей қоя салатындай әлсіз адам емеспін. Мен өзімді және өз абыройымды қорғауға мәжбүрмін» деп жазды Әлия.
Сондай-ақ , Әлия құзырлы органдарға арыз жазбағаны туралы да өз жазбасында айта кетті.
