Qazaqstannyń Ulttyq ǵylym akademııasynyń quramyna kimder qabyldanady degen suraq ǵalymdar arasynda qyzý talqylanýda. Ótken kezeńderde akademıkter quramynda Nursultan Nazarbaev, Talǵat Musabaev, Toqtar Áýbákirov jáne olıgarh Serikjan Seıtjanov sııaqty tanymal tulǵalar bolǵany belgili. Osy rette, olardyń jańa qurylatyn akademııaǵa ótetin-ótpeıtini jaıly «Ulttyq ǵylym akademııasy» respýblıkalyq qoǵamdyq birlestiginiń prezıdenti Murat Jurynuly pikir bildirdi, dep habarlaıdy "Adyrna" ulttyq portaly Nege.kz-ke siltep.
Murat Jurynulynyń aıtýynsha, Nursultan Nazarbaev, Talǵat Musabaev, Toqtar Áýbákirov jáne Serikjan Seıtjanov ózderiniń ǵylymı eńbekteri úshin zańdy túrde akademık ataǵyn alǵan. Bul tulǵalar ǵylym kandıdattary retinde akademık bolyp saılanǵan kezde, olardyń ataǵy joǵary baǵa men jabyq daýys berý arqyly bekitilgen. Jurynuly atap ótkenindeı, Nazarbaevtyń ekonomıka ǵylymdary salasyndaǵy eńbekteri óz aldyna bólek taqyryp. Ol Máskeýde iri ǵalymdardyń aldynda dıssertaııa qorǵap, «ekonomıka ǵylymdarynyń doktory» ataǵyn alǵan. Onyń Qazaqstandaǵy naryqtyq ekonomıkany qurýdaǵy róli de joǵary baǵalanǵan. Sondyqtan Nazarbaevtyń akademık ataǵyna saılanýy zańdy qubylys dep esepteledi.
"Nursultan Nazarbaevtyń ǵylym salasyna jasaǵan eńbegin aıtyp bereıin. Ol Máskeýde iri ǵalymdardyń aldynda dıssertaııa qorǵap «ekonomıka ǵylymdarynyń doktory» ataǵyn biraýyzdan aldy. Nazarbaev – Qazaqstanda naryqtyq ekonomıkany qurǵan adam. Sondyqtan ol kisiniń akademık bolyp saılanýy – zańdy qubylys. Tipti, ol prezıdent bolmasa da, sol jumystary úshin akademık bolyp saılanar edi. Al onyń prezıdenttik qyzmetine, basqa jaǵyna eshteńe aıta almaımyn, tek ǵylymı turǵydan jumysyna baǵa bere alamyn. Bireý biler, bireý bilmes, Nazarbaev Belarýs ǵylym akademııasynyń akademıgi, MGÝ-dyń professory. Biraq ol kisi jańa akademııaǵa óte me, joq pa, ony qazirgi akademııanyń prezıdenti Kúrishbaev sheshedi. Bizdiń akademııa eń sońǵy jınalysyn ótkizdi. Endi men akademııany basqarmaımyn", - dep jaýap bergen ǵalym.
Qazaqstannyń Ulttyq ǵylym akademııasynyń tarıhy 1946 jyldan bastaý alady, al onyń alǵashqy prezıdenti Qanysh Sátbaev bolǵany belgili. Sol ýaqyttarda ǵalymdar eldiń jerasty baılyqtaryn zerttep, munaı men gaz ken oryndaryn ashýǵa, metallýrgııa úshin qajet mıneraldardy tabýǵa úlken úles qosqan.
