Máskeý ortalyǵynda, Lýbıankadaǵy Federaldyq qaýipsizdik qyzmeti ǵımaratynyń mańynda Reseı prezıdenti Vladımır Pýtınge tıesili bolýy múmkin lımýzınderdiń biri jarylyp, órtendi. Bul týraly serbııalyq «Kýrer», brıtandyq Sun jáne nemistiń Bild basylymdary jazdy, jep habarlaıdy “Adyrna” ulttyq portaly.
«Aurus Senat» markaly arnaıy avtokóliktiń (quny shamamen 330 000 eýro) qozǵaltqysh bóliginen shyqqan órt salonǵa taraǵan. Jarııalanǵan kadrlarda jaqyn mańdaǵy meıramhanalar men barlardyń qyzmetkerleri kóshege júgirip shyǵyp, órt sóndirýshiler kelgenge deıin jalyndy óshirýge tyrysqany kórinedi. Janyp jatqan kóliktiń aldyńǵy bóliginen qoıý qara tútin shyqqan.
Basylymdardyń málimetinshe, lımýzın Reseı prezıdentiniń aktıvterin basqarý jónindegi vedomstvoǵa tıesili. Qazirgi ýaqytta kólikte bireýdiń bolǵan-bolmaǵany belgisiz, al Reseı bıligi bul oqıǵaǵa qatysty resmı málimdeme jasaǵan joq.
Sun basylymynyń habarlaýynsha, jýyrda Reseı prezıdenti Mýrmanskige barǵan kezde túsirilgen vıdeoda Federaldyq kúzet qyzmetiniń (FQQ) ofıeri qurmetti qaraýyldaǵy árbir áskerı qyzmetkerdi muqııat tekserip, jasyryn qarý nemese jarylǵysh zattardyń bar-joǵyn anyqtaǵan. Tekseris aıaqtalǵannan keıin ǵana Pýtın belgisiz sarbazdyń qabirine gúl shoǵyn qoıý rásimin ótkizgen. Gazettiń málimetinshe, qurmetti qaraýylǵa patrony joq myltyqtar berilgen.
