Norvegııanyń kóshi-qon erejesin buzǵan Qazaqstannyń 45 azamaty deportaııalandy. Bul týraly 30 qyrkúıekte Nur-Sultanda ótken brıfıngte syrtqy ister mınıstrligi baspasóz qyzmetiniń jetekshisi Aıbek Smadııarov aıtty.
Mınıstrlik ókiliniń aıtýynsha, "Qazaqstannyń 59 azamaty Norvegııaǵa jumys izdep barǵan, biraq olarda tek týrıstik vıza bolǵan. Qazirge deıin 45-i Qazaqstanǵa qaıtarylǵan, qalǵan 14-i búgin deportaııalanýy múmkin".
- Norvegııaǵa Shengen vızasymen baryp maýsymdyq jumys isteýge ruqsat etilmeıdi. Qazaqstan azamattaryna Norvegııada [jumys isteýge] ruqsat etetin qujattardy Norvegııanyń Reseıdegi elshiligi ǵana beredi, - deıdi Aıbek Smadııarov.
Buǵan deıin Norvegııanyń VG saıty "kóshi-qon erejelerin buzǵan" bir top shetel azamatynyń ustalǵanyn, olardyń basym bóligi Qazaqstan azamaty ekenin jazǵan. Ustalǵandardyń 60-tan astamy - Qazaqstan, altaýy - Qyrǵyzstan, ekeýi Reseı azamaty dep aıtylǵan.
27 qyrkúıekte Qazaqstannyń Norvegııadaǵy elshisiniń keńesshi ýákili Talǵat Jumaǵulov ta "Norvegııaǵa Qazaqstannyń 60 azamaty zańsyz barǵanyn" málimdegen.
Sońǵy jyldary jumys isteý maqsatynda shetelge ketken qazaqstandyqtar kóbeıgen. Qazaqstan syrtqy ister mınıstrligi ótken jyly Ońtústik Koreıada shamamen myńdaǵan qazaqstandyq zańsyz jumys istep júrgenin habarlaǵan.
Reseılik kóshi-qon qyzmetiniń jaqynda jarııalaǵan baıandamasyna qaraǵanda, 2019 jyly qańtar men maýsym aralyǵynda Reseıge 100 myńnan astam Qazaqstan azamaty jumys izdep kelgen.
"Azattyq" radıosy
