Almatyda artyq salmaqtan arylamyn dep ota jasatqan äiel köz jūmdy, dep habarlaidy "Adyrna" ūlttyq portaly Almaty.tv-ǧa sıltep.
47 jastaǧy äieldıŋ ne sebeptı qaitys bolǧany älı belgısız. Ota jasaǧan därıgerler äieldıŋ ömırıne qauıp tönetını turaly eskertpe jasamaǧan deidı marqūmnyŋ tuystary.
Qaiǧyly oqiǧa 5 şılde künı bastalǧan. Ol qaladaǧy jeke emhanalardyŋ bırıne denesındegı artyq maidy aldyryp tastau üşın barǧan. Marqūm Qūralai Batyrhannyŋ artynda 3 ūly qaldy.
Äiel 8 şıldede bolatyn tuǧan künın jaŋa dene pışınımen toilaǧysy kelgen.
"Nege aitpaidy? Osyndai jaǧdailar boluy yqtimal dep nege eskertpedı? Mūndai jaǧdailar 90%-dyŋ 2%-da boluy mümkın dep aitpady. Būl jerde otadan soŋ 2 saǧattan keiın joldasyŋyz alyp ketedı dep aitqan. Jüregı toqtap qalǧany anyqtalatyn bolsa, därıgerlerden jauapkerşılık tolyǧymen alynyp tastalady", - deidı marqūmnyŋ sıŋılısı Gülnär Batyrhanova.
Marqūm otany 2 million teŋgege jasatqan. Äpkesınıŋ jaǧdaiynan jiı habar aluǧa tyrysqan sıŋılısı marqūmnyŋ qaitys bolǧanyn da keiın bılgen. Äieldıŋ ölı denesın palatadan tuystaryna eskertpesten mäiıthanaǧa aparǧan.
Tuǧan künın toilaudyŋ ornyna äieldıŋ denesın qūşaqtap, zar jylaǧandar ädıldık sūraidy.
Ūqsas jaŋalyqtar
