Batys Qazaqstan oblysy Qaztalov aýdanynyń aýmaǵyna ushqyshsyz ushatyn apparattyń bólshekteri qulaǵany týraly aqparat tarady. Oqıǵa 27 naýryz kúni keshki ýaqytta Kókterek aýyldyq okrýgi mańynda bolǵan, dep habarlaıdy “Adyrna” ulttyq portaly.
BQO polıııa departamentiniń baspasóz qyzmetiniń habarlaýynsha, apparattyń bólshekteri Saraljyn (Kırov) aýylynan shamamen 10 shaqyrym qashyqtyqta tabylǵan. Qazirgi ýaqytta ýákiletti organdar oqıǵanyń mán-jaıyn anyqtaý maqsatynda tekserý jumystaryn júrgizip jatyr.
“Nysan eldi mekennen alys aýmaqta tabyldy. Qazirgi kezde tıisti qyzmettermen birlesip tekserý is-sharalary jalǵasýda”, – dep málimdedi vedomstvo ókilderi.
Aıta keteıik, bul Batys Qazaqstan oblysynda tirkelip otyrǵan alǵashqy jaǵdaı emes. Buǵan deıin osyndaı oqıǵalar Bókeı ordasy aýdany Uıaly, Tasqala aýdany Atameken, Jánibek aýdany Uzynkól jáne Qamysty aýyldary mańynda da bolǵan.
Quzyrly organdar oqıǵanyń sebepterin anyqtap, qosymsha aqparat berýge ýáde etti.
