Resei äskerlerı bügın, 1 aqpanda, Zaporoje qalasyna drondarmen jappai şabuyl jasady. Qaladaǧy perzenthanaǧa tigen soqqy saldarynan kemınde 6 adam jaraqat aldy, olardyŋ ışınde şabuyl kezınde tekserıste bolǧan ekı äiel bar. Būl turaly Telegram jelısınde Zaporoje oblystyq äskeri äkımşılıgınıŋ basşysy İvan Fedorov habarlap, şabuyl saldaryn körsetetın foto jäne videolardy jariialady, dep habarlaidy “Adyrna”.
Keiınırek oblys basşysy qalaǧa ekınşı tolqyn şabuyl jasalǧanyn mälımdedı.
«Reseidıŋ kezektı ūşqyşsyz apparaty qalanyŋ bır audanynda jaryldy. Aldyn ala mälımet boiynşa, üş adam jaraqat alǧan, olardyŋ arasynda jas bala bar», — delıngen habarlamada.
Sondai-aq Fedorov Zaporoje oblysyna jäne äue dabyly jariialanǧan Ukrainanyŋ basqa öŋırlerıne ballistikalyq zymyrandar men basqarylatyn aviasiialyq bombalar qoldanylu qaupı bar ekenın eskerttı. Jariialanǧan sätte qosymşa mälımet berılgen joq.
“Osy künı Resei şabuyly saldarynan Dnepr qalasynda bır er adam men bır äiel qaza tapty”, dep habarlady Telegram-da Dnepropetrovsk oblystyq äskeri äkımşılıgınıŋ basşysy Aleksandr Ganja.
VVS-dan tüsken soŋǧy mälımetke qaraǧanda, Dnepropetrovsk oblysynda auysymnan qaityp kele jatqan kenşılerdı tasymaldaityn avtobusqa da dron şabuyly jasalǧan. Prokuratura 12 adamnyŋ qaza tapqanyn habarlady.
Bır jeke tūrǧyn üi tolyq qirap, taǧy ekeuı zaqymdanǧan.
Sonymen qatar, Nikopol audanynda artilleriia men drondardan bolǧan atqylau saldarynan ekı köpqabatty jäne tört jeke tūrǧyn üi, kafe, bırneşe düken, avtokölıkter, gaz qūbyry men elektr jelısı bülıngen.
Ukraina Qaruly küşterınıŋ Äue küşterı taratqan taŋǧy mälımetke säikes, Resei äskerlerı tün ışınde Ukrainanyŋ soltüstıgı men şyǧysyna 90 ūşqyşsyz apparat qoldanǧan, onyŋ 60-y Shahed drondary bolǧan. Ūşyrylymdar Orel, Briansk, Kursk, Primorsko-Ahtarsk jäne Donesk baǧyttarynan jüzege asyrylǧan.
Ukrainanyŋ äue şabuylyna qarsy qorǧanys jüielerı 76 soqqy dronyn joiǧan.
«9 nüktede 14 soqqy beruşı BPLA-nyŋ tıkelei tigenı, sondai-aq 2 nüktede atyp tüsırılgen drondardyŋ synyqtary qūlaǧany tırkeldı», — delıngen äskeri habarlamada.
Jergılıktı uaqyt boiynşa saǧat 16:00 şamasynda Ukraina Äue küşterı Kursk oblysynan ballistikalyq qaru qoldanu qaupı bar ekenın jäne reseilık drondardyŋ Kiev, Sumy, Jitomir jäne Vinnisa oblystary baǧytynda qozǧalyp jatqanyn habarlady.
