Senat Tóraǵasy Máýlen Áshimbaev Batys Qazaqstan oblysynda eńbek ujymdarymen, máslıhat depýtattarymen, Qazaqstan halqy Assambleıasynyń múshelerimen, jergilikti jurtshylyqpen jáne jastarmen kezdesýler ótkizdi.
Kezdesýler barysynda Memleket basshysy Qasym-Jomart Toqaev Ulttyq quryltaıdyń IV otyrysynda júktegen mindetterdi iske asyrý jáne Senattyń óńirlerdi damytýǵa yqpalyn kúsheıtý máseleleri talqylandy.
Oblys jurtshylyǵymen ótken kezdesýde Máýlen Áshimbaev ádiletti, qaýipsiz jáne qýatty Qazaqstan qurý jolyndaǵy reformalardyń mańyzdylyǵyn atap ótti. Ol saıası-ekonomıkalyq ózgeristerdi júzege asyrý úshin barlyq deńgeıdegi memlekettik organdar men qoǵamnyń belsendiligi qajet ekenin aıtty.
«Prezıdentimiz Qasym-Jomart Kemeluly Toqaev Ulttyq quryltaıdyń IV otyrysynda elimizdi damytýǵa qatysty ózekti máselelerge keńinen toqtaldy. Óńirlerdiń ekonomıkasyn órkendetý negizgi baǵyttardyń biri retinde belgilendi. Quryltaıda ishki saıasat, ıdeologııa, bilim berý máselelerine de erekshe nazar aýdaryldy. Aıtylǵan barlyq bastamalar Ádiletti, Qaýipsiz, Taza jáne Qýatty Qazaqstan qurý ıdeıasyn iske asyrýǵa arnalǵan. Osy jáne basqa da mindetterdi sapaly iske asyrý úshin júıeli ári tıimdi jumys isteýimiz kerek», – dep, Senat Tóraǵasy oblystyq máslıhat depýtattaryn ortaq maqsattarǵa qol jetkizý úshin Palatanyń zań shyǵarý qyzmetine belsendi qatysýǵa shaqyrdy.
Senat Tóraǵasynyń aıtýynsha, óńirlerdiń turaqty damýy úshin ınvestıııalar tartý, jańa kásiporyndar ashý, aýyl sharýashylyǵy men óńdeýshi ónerkásipti qoldaý mańyzdy. Bul baǵytta Senat máslıhattarmen birlesip, zańnamalyq jumystardy jetildirýdi jalǵastyrady.
Jastarmen kezdesýde Máýlen Áshimbaev el damýyna jas býynnyń qosatyn úlesi erekshe ekenin atap ótti. Ol bilimdi, jańashyl jastar Qazaqstannyń jarqyn bolashaǵyn qalyptastyrýda mańyzdy ról atqaratynyn aıtyp, olarǵa memleket tarapynan jasalyp jatqan qoldaýlarǵa toqtaldy.
Sapar barysynda senatorlar ótken jylǵy sý tasqynynan zardap shekken turǵyndarǵa arnalyp salynǵan jańa úılerdi aralady. Sondaı-aq, jańadan ashylǵan «Aqjaıyq» ońaltý ortalyǵynyń jumysymen tanysty.
Óńirdegi óndiris oryndaryn aralaý barysynda «Packaging Systems» JShS jáne «Kvant» jıhaz fabrıkasynyń qyzmeti tanystyrylyp, óndiristi keńeıtý jáne ınvestıııa tartý máseleleri qaraldy.
Senat tóraǵasy Máýlen Áshimbaev oblysta birqatar jumystar sátti iske asyp jatqanyn erekshe atap ótti.
“Batys Qazaqstan oblysy túrli baǵdarlamalar sátti iske asyrylyp, ekonomıkasy turaqty ósip kele jatqan óńirlerdiń biri! Osy rette oblys ákimi Tóreǵalıev Narıman Tóreǵalıulynyń belsendi jumysyn atap ótken jón. Narıman Tóreǵalıuly bilikti basshy, sheber uıymdastyrýshy, bizdiń áriptesimiz. Senator retinde de nátıjeli eńbek etti. Qazirgi tańda ákimniń túrtki bolýymen kóptegen irgeli ister qolǵa alynǵanyn bilemiz!” - dedi Máýlen Áshimbaev.
Senat óńirlerdiń damýyna yqpal etetin bastamalardy qoldaýdy jalǵastyrady.
