Almaty qalasyndaǧy №126 mamandandyrylǧan liseiınıŋ jäne «Tarih mektebı» onlain daiyndyq ortalyǧynyŋ 11-synyp oquşysy Sarsenbai Janbolat nauryz aiyndaǧy ŪBT-da eŋ joǧary 140 ball jinaǧan sanauly tülektıŋ bırı atandy, dep habarlaidy “Adyrna” ūlttyq portaly.
Köpbalaly otbasynan şyqqan Janbolat üidıŋ ülkenı. Äkesı – kölık jürgızuşı, anasy – aspaz. ŪBT-daǧy jetıstıgınıŋ arqasynda ol alǧaş ret Almatydan Astanaǧa ūşaqpen ūşyp keldı. Ony elordada «Tarih mektebınıŋ» ūjymy kütıp alyp, arnaiy syilyqtaryn tabystady.
Janbolat būl nätijege üzdıksız daiyndyq pen sapaly bılımnıŋ arqasynda jetkenın aitady. Bolaşaqta şet tılın oqytatyn pedagog boludy armandaidy. «Baq şapty ma, älde bap pa?» degen sūraqqa ol: «Bap bolmasa, baq qaidan bolsyn» dep jauap berdı.
Aituynşa, eŋ joǧary ball jinau üşın üzdıksız eŋbek etu, är tapsyrmany uaqytynda oryndau, jıgerlı ärı talapty bolu asa maŋyzdy.
Ūqsas jaŋalyqtar
