Bıyl oqý jylynda ulttyq biryńǵaı testileýdi 154 myń talapker eki múmkindikti qatar eseptegende 276 myń ret test tapsyrdy. Bul týraly Ortalyq kommýnıkaııalar qyzmeti alańynda ótken jıynda Ulttyq testileý ortalyǵynyń dırektory Rýslan Emelbaev málimdedi, dep habarlaıdy “Adyrna” ulttyq portaly.
«Testileý qorytyndysy boıynsha 103 myńnan astam talapker shekti ball jınady, bul qatysýshylardyń jalpy sanynyń 67%-yn quraıdy. Ótken jylmen salystyrǵanda bul kórsetkish 7%-ǵa joǵary boldy. Testilenýshilerdiń 51 myńǵa jýyǵy (33%-y) shekti ball jınaı almady. UBT ortasha baly 66 baldy qurady.
Bıyl eń joǵary ball 139 boldy. Joǵary baldy Qazaqstan boıynsha 3 talapker jınady. Biraq ókinishke qaraı, eki talapkerdiń 139 balǵa akademııalyq adaldyqty saqtamaı, ereje buzý arqyly qol jetkizgeni anyqtalyp, ekeýiniń de nátıjesi joıyldy. Qazir úshinshi talapkerdiń nátıjesi tekserilip jatyr», - dedi Ulttyq testileý ortalyǵynyń dırektory.
Belgili bolǵandaı, 3179 oqýshy 120 baldan joǵary jınaǵan. Bıyl UBT-ǵa tyıym salynǵan zattardy kirgizý jáne UBT erejelerin buzý boıynsha 327 jaǵdaı tirkelgen.
”Adyrna” ulttyq portaly
