Atyraýda er adam kópirden sekirip ketti, - dep habarlaıdy “Adyrna” tilshisi.
Atyraý oblysy Tótenshe jaǵdaılar departamentiniń baspasóz qyzmeti habarlaǵandaı, 28 qyrkúıek kúni saǵat 08:28-de Atyraý qalasy Jılgorodok aýdanynda belgisiz bireý jaıaý júrginshilerge arnalǵan kópirden sýǵa sekirgeni týraly habarlama kelip túsken.
Muny birinshi bolyp jaǵalaýda kele jatqan áıel baıqady. Ol dereý qutqarý qyzmetine habarlasqan.
«Shaqyrý ornyna jedel jetken qutqarýshylar belgisiz er adamdy sýdan shyǵaryp, alǵashqy medıınalyq kómek kórsetip, esin jıdy», - dep habarlady TJD.
Kýágerlerdiń aıtýynsha, er adam óz-ózine qol jumsamaq nıetpen sýǵa sekirgen. Qazir er adam jedel járdem qyzmetkerlerine tapsyryldy.
Qazaqstanda sońǵy eki aptada sýııdtiń on oqıǵasy tirkeldi, onyń jeteýi Almatyda. 12 jáne 13 jastaǵy qyzdar, 17 jastaǵy jasóspirim, jergilikti ýnıversıtet stýdenti jáne 3-kýrs kýrsanty qaıtys boldy.
