Astanadaǧy Ūlttyq panteon bastapqyda 25 jerleu ornyna eseptelgenımen, qazırgı taŋda 28 adam jerlengen. Qajettılık tuyndaǧan jaǧdaida, oryn sany 40-qa deiın köbeitıluı mümkın, dep habarlaidy "Adyrna" ūlttyq portaly Tengrinews.kz saityna sıltep.
Būl turaly Astana qalasynyŋ kommunaldyq şaruaşylyq basqarmasy mälımdedı.
Qazırgı taŋda panteonnyŋ jalpy aumaǧy 4,3 gektardy qūraidy. Basqarma ökılderınıŋ aituynşa, bırınşı kezeŋnıŋ alǧaşqy ıske qosyluy 25 orynǧa eseptelgen. Degenmen, jobada özgerıster engızu arqyly oryn sanyn köbeituge mümkındık bar.
2023 jyldyŋ mamyrynda Ūlttyq panteonda oryndar jetıspeitını turaly aqparat tarady. Esıl audany äkımınıŋ orynbasary Darmeniiar Qydyrbekūlynyŋ aituynşa, sol kezde panteonda 25 orynnyŋ törteuı ǧana bos bolǧan. Alaida üş ai ötken soŋ qalalyq mäslihat töraǧasy Erlan Kanalimov būl mälımettı joqqa şyǧaryp, panteonda 40-tan astam oryn bar ekenın jäne joba älı tolyq aiaqtalmaǧanyn mälımdedı.
Ūlttyq panteon Qazaqstannyŋ damuyna aitarlyqtai üles qosqan tūlǧalardyŋ, ǧylym jäne mädeniet qairatkerlerınıŋ jerleu orny retınde qūrylǧan. Ol Astanadan 17 şaqyrym jerde, Qabanbai batyr kesenesınıŋ maŋynda ornalasqan. Panteon aumaǧy tört gektardy qūraidy.
Darmeniiar Qydyrbekūlynyŋ mälımetınşe, 2024 jyly panteondy kütıp ūstauǧa 40 million teŋge bölıngen. Sonymen qatar, aumaqty kögaldandyru üşın qosymşa 70 million teŋge qarastyrylǧan.
2023 jyly nauryz aiynda panteonda jerlenuı mümkın tūlǧalardyŋ tızımı jaŋartyldy. Būryn būl oryn Qazaqstan prezidentterı men olardyŋ otbasy müşelerıne ǧana arnalsa, bügınde oǧan elge eŋbegı sıŋgen tūlǧalar da qosylǧan.
Ūqsas jaŋalyqtar
