19 mausym künı Astanada er adam azamattyq nekedegı jūbaiyn pyşaqtap, artynşa köpqabatty üidıŋ 25-qabatynan sekırıp ketken, dep habarlaidy "Adyrna" ūlttyq portaly Zakon.kz-ke sılteme jasap.
Būl turaly aqparatty Astana qalalyq Polisiia departamentınıŋ baspasöz qyzmetı rastady.
Äleumettık jelılerde taraǧan mälımetterge säikes, äiel adamǧa tört ret pyşaq salynǧan, ärı būl oqiǧa balasynyŋ köz aldynda bolǧan. Aldyn ala aqparat boiynşa, qandy oqiǧaǧa otbasylyq janjal sebep bolǧan.
Polisiia mälımetınşe, er adam äielge pyşaq jaraqatyn salyp, keiın öz-özıne qol jūmsamaq bolyp, 25-qabattan sekırgen. Auyr jaraqat alǧan ol dereu medisina mekemesıne jetkızılgen. Qazır ol Ūlttyq ortopediia jäne travmatologiia ortalyǧynda em alyp jatyr.
Qaza bolǧan äieldıŋ artynda ekı balasy qalǧany belgılı.
Atalǧan derek boiynşa kısı öltıru baby boiynşa qylmystyq ıs qozǧaldy. Qazırgı uaqytta oqiǧanyŋ män-jaiyn anyqtau maqsatynda jan-jaqty tergeu jūmystary jürgızılude. Tergeudıŋ basqa mälımetterın QR Qylmystyq-prosestık kodeksınıŋ 201-babyna säikes jariialauǧa bolmaidy.
