Stokgolm qalasyndaǵy áıgili Jumbo Stay áýe kemesinen jasalǵan qonaq úı 2025 jyldyń 17 naýryzynda resmı túrde jumysyn toqtatty, dep habarlaıdy "Adyrna" ulttyq portaly Frequentflyers-ke siltep.
Shveııa astanasy mańyndaǵy Arlanda áýejaıynda ornalasqan erekshe qonaq úı 16 jyl boıy kelýshilerdi qabyldap kelgen. Alaıda joba ıesi qarjylyq qıyndyqtarǵa baılanysty bankrotqa ushyrap, memlekettik Swedavia kompanııasy jańa ınvestorǵa jerdi jalǵa berýden bas tartqan soń, qonaqúıdiń bolashaǵyna núkte qoıyldy. Aldaǵy ýaqytta Boeing 747-200 ushaǵy bólshektelýi múmkin.
Jumbo Stay qonaq úıi burynǵy Boeing 747-200 ushaǵynyń negizinde jasalǵan. Bul ushaq alǵash ret 1976 jyly Singapore Airlines avıakompanııasynda qyzmet etip, 2002 jyly Shveııanyń Transjet áýe kompanııasy bankrotqa ushyraǵannan keıin paıdalanýdan shyǵarylǵan. Keıin ony qaıta jóndep, 2009 jyly erekshe qonaq úıge aınaldyrdy.
Otelde 33 bólme boldy. Olardyń arasynda qarapaıym kaıýtalardan bastap, ushqyshtar kabınasyndaǵy lıýks nómirge deıin ártúrli sanattaǵy bólmeler usynyldy. Qonaqúı ıntereri avıaııa stılinde jasalyp, jolaýshylarǵa ushaqtaǵy atmosferany sezinýge múmkindik berdi. Tipti, qonaqtardy «ushý gúline» elikteıtin arnaıy dybyspen oıatý qyzmeti de bolǵan. Bul erekshelikter Jumbo Stay-di avıaııa jankúıerleri men blogerler arasynda tanymal etti.
Jumbo Stay qonaqúıi tek Shveııada ǵana emes, álemde de erekshe konepııasymen tanymal boldy. Mundaı tájirıbeler basqa elderde de kezdesedi. Mysaly, Kosta-Rıkadaǵy Hotel Costa Verde Boeing 727 ushaǵynan jasalǵan, al Balı aralynda reseılik ınvestor Boeing 737-ni sándi vıllaǵa aınaldyrǵan. Biraq bul jobalardyń barlyǵy lıýks sanatynda bolǵandyqtan, bıýdjettik saıahatshylarǵa arnalǵan ushaq-qonaq úı naryǵynda Jumbo Stay jalǵyz boldy.
Pandemııadan keıin otelge kelýshiler sany aıtarlyqtaı azaıdy. Sondaı-aq, áýejaı aýmaǵynda jarnama jasaýǵa tyıym salynǵandyqtan, qonaq úı kezdeısoq kelýshilerdi de joǵaltty. Onyń ústine, qoljetimdi baǵadaǵy qonaq úılerdiń kóbeıýi týrısterdiń tańdaýy men suranysyna áser etti. Jaǵdaıdy turaqtandyrý úshin jańa ınvestorlar izdestirilgenimen, Swedavia kompanııasy jer telimin basqa maqsatta paıdalanýdy jón kórdi.
Osylaısha, álemdegi erekshe qonaq úılerdiń biri bolyp sanalatyn Jumbo Stay tarıh sahnasynan ketýge májbúr boldy. Aldaǵy ýaqytta onyń bólshektelýi nemese basqa maqsatta paıdalanylýy múmkin ekeni aıtylýda.
