Ekonomikalyq jäne sybailas jemqorlyqqa qarsy küres agenttıgınıŋ būrynǧy töraǧasy ärı Bas prokuror qyzmetın atqarǧan Qairat Qojamjarovqa qatysty sotqa deiıngı tergeu bastaldy, dep habarlaidy "Adyrna" ūlttyq portaly.
Bas prokuraturanyŋ mälımetınşe, ıs onyŋ ärtürlı basşylyq qyzmet atqarǧan kezeŋderınde qyzmettık ökılettıgın asyra paidalanu jäne qylmystyq jolmen alynǧan qarjyny zaŋdastyru faktılerı boiynşa qozǧalǧan.
«Barlyq qylmystyq ıster boiynşa arnaiy prokurorlardyŋ basşylyǧymen jedel-tergeu toptary qūryldy», – dep mälım ettı qadaǧalau organy.
Habarlamada Qojamjarovtyŋ ūstalǧan-ūstalmaǧany körsetılmegen.
QR QPK-nıŋ 201-babyna säikes özge aqparat jariialanbady.
Aita keteiık, Qairat Qojamjarov är jyldary qarjy polisiiasyn basqardy, Aqmola oblysynyŋ äkımı boldy, Prezidenttıŋ kömekşısı qyzmetın atqardy, Antikorrupsiialyq vedomstvony jäne QR Bas prokuraturasyn basqardy. Ol 2023 jyldan berı memlekettık qyzmette emes.
