26 naýryzǵa qaraǵan túni Qazaqstan men Lıhtenshteın ulttyq quramalary 2026 jylǵy álem chempıonatynyń irikteý kezeńindegi ekinshi matchyn ótkizip, Qazaqstan quramasy jeńiske jetti, dep habarlaıdy "Adyrna" ulttyq portaly.
Kezdesý Lıhtenshteın astanasy Vadý qalasyndaǵy «Raınpark» stadıonynda ótti.
Qazaqstan ulttyq quramasynyń bas bapkeriniń mindetin atqarýshy Álı Álıev komanda quramyna birqatar ózgeris engizip, alǵash ret 16 jastaǵy juldyz Dastan Satpaevqa negizgi quramda alańǵa shyǵýǵa múmkindik berdi.
Oıyn 2:0 esebimen Qazaqstan quramasynyń paıdasyna aıaqtaldy.
Esepti birinshi taımnyń sońynda Maksım Samorodov ashty. Bul – onyń Qazaqstan quramasyndaǵy tórtinshi goly.
Al qosymsha ýaqytta 34 jastaǵy Aleksandr Marochkın gol soqty. Bul – onyń ulttyq qurama sapyndaǵy 51-matchy jáne alǵashqy goly.
2026 jylǵy álem chempıonatynyń alǵashqy irikteý matchynda Qazaqstan quramasy Ýelske 1:3 esebimen jol berdi. Lıhtenshteınmen ótken kezdesýge deıin Qazaqstan quramasy álem chempıonatynyń irikteý kezeńderinde qatarynan 22 match boıy jeńiske jete almaǵan edi.
