Túrkııanyń Baykar kompanııasy ázirlegen Bayraktar KIZILELMA ushqyshsyz áskerı ushaǵy áýede jyldamdyq pen baǵytty ózgertý synaǵynan sátti ótti, dep habarlaıdy "Adyrna" ulttyq portaly Anadolu Ajansı-ge silteme jasap.
Baykar kompanııasynyń málimdeýinshe, Bayraktar KIZILELMA-ny synaqtan ótkizý proesi josparlanǵan kestege sáıkes jalǵasýda.
Kompanııanyń habarlaýynsha, PT3 – serııalyq prototıpi (borttyq nómiri TC-OZB3) 21 naýryz kúni Túrkııanyń soltústik-batysyndaǵy Tekırdag provınııasynyń Chorlý aýdanynda ornalasqan AKINCI oqý-synaq ortalyǵynan áýege kóterilip, júıeni sáıkestendirý sharalaryn jáne kúrdeli manevrlerdi sátti oryndǵan.
Serııalyq prototıpke alǵashqy nusqalardy ázirleý kezinde alynǵan tájirıbeler negizinde aıtarlyqtaı ózgerister engizilgen. Ushý balamaly forsajdyq qozǵaltqyshty paıdalaný arqyly júzege asyrylyp, onyń ıntegraııasy sátti aıaqtaldy. Jańa qýatty qozǵaltqyshtyń arqasynda Bayraktar KIZILELMA dybys jyldamdyǵyna jaqyndaıdy jáne jetildirilgen aerodınamıkasy arqyly joǵary jyldamdyqta manevr jasaý qabiletin arttyrǵan.
Sonymen qatar, AESA radıolokatory arqyly joǵary deńgeıdegi jaǵdaıdy baqylaý múmkindigine ıe bolyp, eń kúrdeli tapsyrmalardy oryndaýǵa qaýqary jetedi.
Bayraktar KIZILELMA jobasy 2021 jyldan beri ázirlenip keledi. Borttyq nómiri TC-ÖZB apparaty 2022 jylǵy 14 qarashada óndiristen shyǵarylyp, týra bir aıdan keıin alǵash ret áýege kóterildi. Osylaısha, Bayraktar KIZILELMA rekordtyq qysqa merzimde ushyryldy.
2023 jyly Stambulda ótken álemdegi eń iri avıaııa, ǵarysh jáne tehnologııa festıvali (TEKNOFEST) barysynda Bayraktar KIZILELMA óziniń erekshe ushý múmkindikterin kórsetip, álemdik avıaııa tarıhyna endi.
Álemdegi eń iri ushqyshsyz ushý apparattaryn óndirýshi Baykar kompanııasy qazirgi ýaqytta Bayraktar TB2 SİHA-ny 34 elge, al Bayraktar AKINCI TİHA-ny 11 elge eksporttaý týraly kelisimderdi júzege asyryp jatyr.
