Kókshetaýda Naýryz merekesi qarsańynda 1600-den astam kımeshek kıgen áıelder sherýi ótti. Bul shara Qazaqstan Gınnes rekordtar kitabyna resmı túrde tirkeldi.
Aqmola oblysynyń analar keńesi uıymdastyrǵan parad Saltanat saraıy aldynda bastalyp, qatysýshylar bir shaqyrymdyq joldy júrip ótti. Shara qala turǵyndary men onlaın kórermenderge tikeleı kórsetildi.
Paradtyń basynda Qazaqstannyń mádenıet qaıratkerleri, mádenıet salasynyń eńbek sińirgen qaıratkerleri, sondaı-aq belsendi áıelder uıymdarynyń jetekshileri júrdi. Sherýge kópbalaly analar, ustazdar, dárigerler, ártister men basqa da mamandyq ókilderi qatysty.
Qazaqstan Rekordtar kitabynyń ókili Baqytjan Tastýlekov bul oqıǵany resmı túrde tirkegenin jarııalady.
Sharanyń sońynda oblys ákimi Marat Ahmetjanovqa resmı sertıfıkat tapsyryldy.
