Túrkııa prezıdenti Rejep Taıyp Erdoǵan elde ótip jatqan jappaı narazylyq akııalaryna baılanysty málimdeme jasap, bılik "kóshedegi terrorǵa" tóze almaıtynyn jetkizdi, dep habarlaıdy "Adyrna" ulttyq portaly RIA Novostı agenttigine silteme jasap.
"Margınaldy toptardyń sońynan erý, polıııaǵa shabýyl jasaý, sýdıalar men prokýrorlarǵa qaýip tóndirý, demokratııa men ulttyq erik-jigerge qarsy turý – bul el úshin eshqandaı nátıje bermeıdi. Túrkııa kóshede tabylǵan memleket emes. Biz kóshedegi terrorǵa baǵynbaımyz", – dedi Erdoǵan.
Onyń aıtýynsha, Túrkııa bıligi eldiń turaqtylyǵyna qaýip tóndiretin kez kelgen áreketke jol bermeıdi.
19 naýryzda Stambýl prokýratýrasy qalanyń meri Ekrem Imamoǵlý jemqorlyq, paraqorlyq jáne terrorıstik uıymdarǵa kómektesý isi boıynsha tergeýge alynǵanyn habarlady. Oppozıııa ókili Imamoǵlý bul aıyptardy joqqa shyǵaryp, bıliktiń qysymyna qarsy turatynyn málimdedi.
Osy oqıǵadan keıin Ankara men Stambýlda myńdaǵan adam narazylyq sherýlerine shyqty. Bılik qaýipsizdik sharalaryn kúsheıtip, jeksenbige deıin kez kelgen mıtıng pen demonstraııa ótkizýge tyıym saldy.
Túrkııanyń ishki ister mınıstri Álı Erlykaıa narazylyqtar kezinde 16 polıeıdiń jaraqat alǵanyn habarlady.
Bul oqıǵa Erdoǵan men oppozıııa arasyndaǵy kúresti odan ári shıelenistire tústi. Imamoǵlýny aldaǵy merziminen buryn ótetin prezıdenttik saılaýda Erdoǵannyń basty qarsylasy retinde qarastyratyndar kóp.
