Äleumettık jelılerde Almatyda 500 myŋ teŋgege quyrşaq satylatyny turaly habarlandyru qyzu talqyǧa tüstı. Jariialanymdaǧy qymbat baǧa men mätın jelı qoldanuşylarynyŋ nazaryn audaryp, keibır azamattar habarlandyrudyŋ astarynda jaŋa tuǧan närestenı satu turaly ūsynys boluy mümkın degen boljam jasaǧan.
Osyǧan bailanysty Almaty qalasynyŋ polisiiasy äleumettık jelılerde taraǧan aqparatty tekserdı, dep habarlaidy "Adyrna".
Qūqyq qorǧau organdary habarlandyrudy jariialaǧan adamdy anyqtap, onyŋ män-jaiyn zerdeledı.
Polisiianyŋ mälımetınşe, habarlandyru avtory psihonevrologiialyq esepte tūrǧan er adam bolyp şyqqan. Tekseru barysynda onyŋ adam saudasyna, sonyŋ ışınde jaŋa tuǧan närestelerdı satuǧa qatysy bar ekenın rastaityn qandai da bır derek anyqtalmaǧan.
Osylaişa, äleumettık jelı qoldanuşylary arasynda taraǧan küdık öz rastauyn tappady.
Almaty polisiiasy azamattardy äleumettık jelılerdegı kümändı aqparatty taratuǧa asyqpai, onyŋ anyqtyǧyn resmi derekközder arqyly tekseruge şaqyrady.
