«Qazaqmys» korporaııasy óz ken oryndarynda qaýipti aımaqtardyń anyqtalýyna baılanysty óndiristi kezeń-kezeńimen toqtatatynyn málimdedi, dep habarlaıdy “Adyrna” ulttyq portaly.
Kompanııanyń habarlaýynsha, óndiristik nysandarda jazataıym oqıǵalardyń jıilep ketýi qaýipsizdik sharalaryn qaıta qaraýdy talap etip otyr. Osyǵan baılanysty barlyq joǵary qaýip deńgeıi bar tehnologııalyq úderister ýaqytsha toqtatylyp, barlyq jumys túrlerine qaýipsizdik erejeleriniń saqtalýyna jan-jaqty tekserý júrgiziledi. Tek barlyq buzýshylyqtar joıylǵannan keıin ǵana óndiris qaıta jandanady.
Kompanııa jospardan tys tekseris júrgizip, ınjenerlik-tehnıkalyq qyzmetkerlerdi qaıta attestaııadan ótkizýdi, jerasty nysandaryn qadaǵalaýdy jáne qutqarý jabdyqtarynyń daıyndyǵyn tekserýdi qolǵa alady. Sonymen qatar, qyzmetkerlerdiń ónerkásiptik qaýipsizdik tehnıkasy men tótenshe jaǵdaılardaǵy áreket etý algorıtmderin bilý deńgeıi baǵalanatyn bolady.
Kelesi óndiris oryndary ýaqytsha jabyldy:
20 naýryz – Shyǵys-Jezqazǵan, Abyz, Saıaq, Qońyrat rýdnıkteri; Nurqazǵan, Qaraǵaıly, Balqash baıytý fabrıkalary jáne jóndeý-mehanıkalyq basqarmasy.
21 naýryz – Ońtústik-Jezqazǵan, Aqbastaý, Hadjıqonǵan, Shatyrkól, Jaısan rýdnıkteri.
22 naýryz – Batys-Jezqazǵan rýdnıgi.
23 naýryz – Jylandy rýdnıgi.
24 naýryz – Jezqazǵan baıytý fabrıkasy.
Al Jomart ken ornynda tekserý jalǵasýda.
19 naýryzda korporaııa Ulytaý oblysyndaǵy Shyǵys-Jezqazǵan kenishinde taǵy bir qaıǵyly oqıǵa oryn alǵanyn málimdedi. №57 shahtada taýarlyq-materıaldyq qundylyqtardy túsirý kezinde 1994 jyly týǵan jumysshy júk oqpany alańyndaǵy sańylaýǵa qulap ketken. Ókinishke qaraı, ol alǵan jaraqattarynyń saldarynan oqıǵa ornynda kóz jumdy.
Buǵan deıin, 17 aqpanda Ýlytaý oblysynda «Qazaqmys» rýdnıginde apat bolyp, jeti jumysshy qaza tapqan edi. 18 aqpanda olardyń deneleri tabylyp, oqıǵaǵa baılanysty qylmystyq is qozǵaldy. 5 naýryzda tergeý toby apattyń negizgi sebebi metan gazynyń jınalýy men elektr jabdyqtarynyń tutanýy ekenin habarlady.
Prezıdent Qasym-Jomart Toqaev 20 aqpanda ónerkásiptik qaýipsizdik máselesin synǵa alyp, Premer-mınıstr Oljas Bektenovke tıisti sharalar qabyldaýdy tapsyrǵan edi.
