Qazaqstan Respublikasynyŋ Mädeniet jäne aqparat ministrlıgı 2003 jylǧy IýNESKO Konvensiiasy aiasynda jergılıktı qauymdastyqtardyŋ materialdyq emes mädeni mūrasyn (MEMM) qorǧau boiynşa auqymdy jobalardy ıske asyruda.
Būl – Qazaqstannyŋ ūlttyq bıregeilıgınıŋ maŋyzdy bölıgı sanalatyn mädeni dästürler men täjıribelerdı odan ärı saqtau üşın strategiialyq tūrǧyda qajet joba.
Osy bastama aiasynda ministrlık IýNESKO-nyŋ tehnikalyq grantyn ıske asyru üşın Atyrau, Şyǧys Qazaqstan, Qaraǧandy, Qyzylorda jäne Jetısu oblystarynyŋ äkımdıkterımen yntymaqtastyq turaly memorandumdarǧa qol qoidy. Būl ärıptestık aimaqtyq deŋgeide materialdyq emes mädeni mūrany jüielı türde saqtau men damytu üşın maŋyzdy.
Jobanyŋ negızgı mındetterı – materialdyq emes mädeni mūra elementterın qorǧau, damytu jäne jan-jaqty nasihattauǧa arnalǧan tiımdı öŋırlık mehanizmder qūru. Sondai-aq oblystyq jäne audandyq deŋgeidegı mamandar, joǧary oqu oryndarynyŋ oqytuşylary men jergılıktı qauymdastyq ökılderı üşın oqytu seminarlary men treningter ötkızu josparlanǧan. Oqu barysynda MEMM elementterın tügendeu men qūjattaudyŋ ädısterın meŋgeru, sondai-aq dästürler men mädeniettı ūstanatyn azamattarmen bailanys ornatu mäselelerıne nazar audarylady.
Būdan bölek, materialdyq emes mädeni mūra jönındegı aqparattyq-anyqtamalyq materialdardy daiyndauda konsultativtık qoldau körsetu, jergılıktı MEMM elementterın Ūlttyq tızımge engızu boiynşa kömek körsetu jäne barlyq talaptar oryndalǧan jaǧdaida olardy IýNESKO tızımıne qosu şaralary qarastyrylǧan. Būl Qazaqstannyŋ mädeni dästürlerın halyqaralyq deŋgeide qorǧau ärı moiyndau mümkındıkterın arttyrady.
Jalpy, jobany jüzege asyru būl saladaǧy mamandardyŋ bılıktılıgın arttyryp qana qoimai, materialdyq emes mädeni mūrany bolaşaq ūrpaqqa saqtap, jetkızudıŋ tiımdı jüiesın qūruǧa jaǧdai jasaidy.
Osy baǧyttaǧy jūmystar tek Qazaqstan mädenietındegı elementterdı saqtauǧa ǧana emes, sonymen qatar äleumettık bırlıktı nyǧaituǧa, mädenietpen tolyq tanysuǧa jäne jergılıktı qauymdastyqtardyŋ tūraqty damuyna yqpal etedı.
Ūqsas jaŋalyqtar
