Qazaqstan Respýblıkasynyń Mádenıet jáne aqparat mınıstrligi 2003 jylǵy IýNESKO Konvenııasy aıasynda jergilikti qaýymdastyqtardyń materıaldyq emes mádenı murasyn (MEMM) qorǵaý boıynsha aýqymdy jobalardy iske asyrýda.
Bul – Qazaqstannyń ulttyq biregeıliginiń mańyzdy bóligi sanalatyn mádenı dástúrler men tájirıbelerdi odan ári saqtaý úshin strategııalyq turǵyda qajet joba.
Osy bastama aıasynda mınıstrlik IýNESKO-nyń tehnıkalyq grantyn iske asyrý úshin Atyraý, Shyǵys Qazaqstan, Qaraǵandy, Qyzylorda jáne Jetisý oblystarynyń ákimdikterimen yntymaqtastyq týraly memorandýmdarǵa qol qoıdy. Bul áriptestik aımaqtyq deńgeıde materıaldyq emes mádenı murany júıeli túrde saqtaý men damytý úshin mańyzdy.
Jobanyń negizgi mindetteri – materıaldyq emes mádenı mura elementterin qorǵaý, damytý jáne jan-jaqty nasıhattaýǵa arnalǵan tıimdi óńirlik mehanızmder qurý. Sondaı-aq oblystyq jáne aýdandyq deńgeıdegi mamandar, joǵary oqý oryndarynyń oqytýshylary men jergilikti qaýymdastyq ókilderi úshin oqytý semınarlary men trenıngter ótkizý josparlanǵan. Oqý barysynda MEMM elementterin túgendeý men qujattaýdyń ádisterin meńgerý, sondaı-aq dástúrler men mádenıetti ustanatyn azamattarmen baılanys ornatý máselelerine nazar aýdarylady.
Budan bólek, materıaldyq emes mádenı mura jónindegi aqparattyq-anyqtamalyq materıaldardy daıyndaýda konsýltatıvtik qoldaý kórsetý, jergilikti MEMM elementterin Ulttyq tizimge engizý boıynsha kómek kórsetý jáne barlyq talaptar oryndalǵan jaǵdaıda olardy IýNESKO tizimine qosý sharalary qarastyrylǵan. Bul Qazaqstannyń mádenı dástúrlerin halyqaralyq deńgeıde qorǵaý ári moıyndaý múmkindikterin arttyrady.
Jalpy, jobany júzege asyrý bul saladaǵy mamandardyń biliktiligin arttyryp qana qoımaı, materıaldyq emes mádenı murany bolashaq urpaqqa saqtap, jetkizýdiń tıimdi júıesin qurýǵa jaǵdaı jasaıdy.
Osy baǵyttaǵy jumystar tek Qazaqstan mádenıetindegi elementterdi saqtaýǵa ǵana emes, sonymen qatar áleýmettik birlikti nyǵaıtýǵa, mádenıetpen tolyq tanysýǵa jáne jergilikti qaýymdastyqtardyń turaqty damýyna yqpal etedi.
