Qazaqstanda Gruziianyŋ tanymal saiasatkerı, Adjariia avtonomiialyq respublikasynyŋ būrynǧy ükımet basşysy jäne «Bırtūtas ūlttyq qozǧalys» partiiasynyŋ müşesı Levan Varşalomidze ūstaldy, dep habarlaidy "Adyrna" ūlttyq portaly IPN agenttıgıne sıltep.
Basylymnyŋ mälımetınşe, Varşalomidze Qazaqstan şekarasynan äuejai arqyly ötken kezde qolǧa tüsken. Aldyn ala aqparat boiynşa, onyŋ ūstaluyna Resei Federasiiasynan jıberılgen sūranys sebep bolǧan. Būl sūranys saiasatkerdıŋ Ukraina bilıgımen saiasi keŋesşılık qyzmetıne bailanysty qylmystyq ıske qatysty.
Gruziianyŋ «Bırtūtas ūlttyq qozǧalysy» partiiasynyŋ jetekşılerınıŋ bırı Levan Bejaşvili Resei tarapynan qozǧalǧan ıstıŋ negızsız ekenın mälımdedı.
— Qazır Levan Varşalomidzenıŋ ekstradisiialanu qaupı bar. Sondyqtan bız Qazaqstan jäne Ukraina ükımetterımen bailanys ornatyp, şynaiy aqparat beruge küş salyp jatyrmyz. Būl qylmystyq ıs saiasi astarmen qozǧalǧany tüsınıktı. Sondyqtan dūrys şeşım qabyldau üşın naqty kommunikasiia qajet, — dedı Bejaşvili.
QazTAG agenttıgı Varşalomidzenıŋ ısı Atyrau oblystyq polisiia departamentıne berılgenın anyqtady. Jurnalister departamenttıŋ baspasöz qyzmetınen resmi tüsınıkteme kütıp otyr.
Levan Varşalomidze – Mihail Saakaşvilidıŋ jaqyn serıgı, 2004-2012 jyldary Adjariia ükımetın basqarǧan jäne aimaqta auqymdy reformalar jürgızıp, ony zamanaui turistık ortalyqqa ainaldyrǧan. Ol 2003 jylǧy «Rauşan töŋkerısınde» maŋyzdy röl atqaryp, Aslan Abaşidzenıŋ rejimın bilıkten şettetuge yqpal etken.
2014 jyldan bastap Varşalomidze Ukraina bilıgıne keŋesşılık jasap, basqaru jäne infraqūrylymdyq reformalarǧa atsalysqan. Ol Mihail Saakaşvili Odessa oblysynyŋ gubernatory bolǧan kezde bırge jūmys ıstep, sybailas jemqorlyqqa qarsy jäne äkımşılık reformalardy damytuǧa kömektestı.
Aita keteiık, 2014 jyly Resei bilıgı Varşalomidzege qarsy qylmystyq ıs qozǧap, ony Gruziia men Resei arasyndaǧy 2008 jylǧy qaqtyǧysqa bailanysty syrttai qamauǧa alu turaly şeşım şyǧarǧan. Sarapşylar būl aiyptaulardyŋ saiasi astary bar dep esepteidı.
Ūqsas jaŋalyqtar
