Talǵarda qaza tapqan Sherzat Polattyń otbasy quqyq qorǵaýshy Aıtbek Amangeldimen yntymaqtastyqty toqtatty, dep habarlaıdy "Adyrna" ulttyq portaly.
Alaıda, olar zańgerlik qoldaýdan bas tartpaǵanyn málimdedi. Endi olardyń múddesin advokattar Meıirman Shekeev pen Jandos Palmanov qorǵaıtyn bolady.
Buǵan deıin Sherzattyń ákesi Qarjaýbaı Nurymov barlyq advokattardan bas tartty degen aqparat taraǵan edi. Alaıda qoǵam belsendisi Jan Ahmadıev bul túsinispeýshilik ekenin aıtty. Onyń sózinshe, otbasy tek burynǵy ókili Aıtbek Amangeldimen baılanysty úzýdi qalaǵan.
"Qarjaýbaıdyń otbasy advokattardan bas tartqan joq. Olar tek Aıtbek Amangeldimen qarym-qatynasty toqtatty", – dedi Ahmadıev.
Otbasynyń jańa advokaty Meıirman Shekeevtiń aıtýynsha, onyń komandasy buǵan deıin isti júrgizgen zańgerlermen jumys isteýge daıyn. Alaıda, ol sońǵy eki kún boıy istiń materıaldaryn ala almaı júrgenin jetkizdi.
Eske sala keteıik, 2024 jyldyń qazan aıynda Talǵar qalasynda jasóspirim Sherzat Polat kisi qolynan qaza tapty. Bul oqıǵa qoǵamda úlken rezonans týdyryp, jábirlenýshiniń týystary men turǵyndar ádil tergeý júrgizýdi talap etip, narazylyq uıymdastyrdy.
Jeltoqsan aıynda polıııa Talǵar shetinen Sherzattyń 30 jastaǵy aǵasy Nurǵanat Ǵaıypbaevtyń denesin tapty. Tergeý nusqasy boıynsha, ol qysymǵa shydamaı, óz-ózine qol jumsaǵan.
