Qazaqstannyŋ Syrtqy ıster ministrlıgı USAID qarjylandyrǧan jobalardyŋ «mälımdelgen maqsattarǧa säikestıgın» tekseru üşın jūmys tobyn qūrdy. Būl turaly vise-premer Serık Jūmanǧarin deputattardyŋ saualyna jauap beru barysynda mälımdedı, dep habarlaidy "Adyrna" ūlttyq portaly.
AMANAT partiiasynyŋ müşelerı vise-premerge osy mäsele boiynşa saual joldaǧan. Jauap retınde Jūmanǧarin ūiymnyŋ qyzmetın «jan-jaqty taldau» jürgızıletının aitty.
«Atap aitqanda, USAID-tyŋ eldık strategiialary zertteledı, sondai-aq USAID-tyŋ basqa ūiymdarmen, onyŋ ışınde ükımettık jäne ükımettık emes qūrylymdarmen bailanysy qarastyrylady. Būl bailanystardyŋ agenttık maqsattaryna yqtimal äserın baǧalau maŋyzdy. Sonymen qatar qarjylyq aǧyndardy taldau qajet, osylaişa qarajatty paidalanu kezındegı säikessızdıkter, müddeler qaişylyǧy jäne yqtimal jasyryn shemalar anyqtalady», – dedı vise-premer.
Deputattardyŋ «kämeletke tolmaǧandardy böten ideologiiadan qorǧau turaly zaŋ jobasyn äzırleu» ūsynysyna qatysty Jūmanǧarin ädılet ministrlıgı būl mäselenı memlekettık organdarmen talqylauǧa jıbergenın mälımdedı.
Vise-ministrdıŋ aituynşa, 2024 jyly USAID-pen ekıjaqty kelısımder aiasynda 28 ūzaqmerzımdı baǧdarlama jüzege asyrylǧan. Jalpy, 2023–2024 jyldary AQŞ-tyŋ halyqaralyq damu jönındegı agenttıgı Qazaqstandaǧy baǧdarlamalarǧa 26,5 mln dollar bölgen. Būl qarajat ekonomika, energetika, densaulyq saqtau, azamattyq qoǧam, media jäne basqa da salalarǧa baǧyttalǧan.
USAID Qazaqstandaǧy kedendık infraqūrylymdy jaŋǧyrtu jobalaryna qatysqan. Ortalyq Aziiadaǧy sauda baǧdarlamasy aiasynda Memlekettık kırıster komitetıne jalpy qūny 385,8 mln teŋge (774 myŋ dollar) bolatyn 12 serverlık jabdyq bırlıgı berılgen. Sondai-aq «Üzılıssız tranzit» jäne öŋır elderı arasynda aldyn ala aqparat almasu jobalary jüzege asyrylǧan.
Aita keteiık, 20 qaŋtarda Aq üige qaita oralǧan Donald Tramp basqa memleketterge bölınetın AQŞ kömegın 90 künge toqtatty. Būl jarlyq eŋ aldymen USAID qyzmetıne äser ettı. AQŞ prezidentınıŋ äkımşılıgı agenttıktı «ysyrapşyldyq pen zaŋbūzuşylyqqa jol berdı» dep aiyptaǧan.
Ūqsas jaŋalyqtar
