Aqmola oblysynda qazaqşa küresten ötken respublikalyq jarysta jaraqat alǧan 15 jastaǧy oquşy qaitys boldy, dep habarlaidy «Adyrna» tılşısı.
Oqys oqiǧa 7 qyrküiekte Ereimentauda bolǧan. Sätsız qimyl kezınde jas sportşy kılemge basymen qūlap, esınen tanyp qalǧan. Zalda kezekşı därıger dereu alǧaşqy medisinalyq kömek körsetıp, jedel järdem şaqyrǧan. Jasöspırımge klinikalyq ölım diagnozy qoiylǧanymen, därıgerlerdıŋ äreketı nätijesınde jürek soǧysy qalpyna keltırılgen.
Jas sportşy şūǧyl türde sanitarlyq aviasiiamen Astanaǧa jetkızılgen bolatyn. Därıgerler onyŋ ömırın saqtap qalu üşın bır apta boiy küresken. Alaida 15 qyrküiekte oquşy qaitys boldy.
Qazırgı taŋda qylmystyq ıs qozǧaldy, oqiǧanyŋ sebepterıne qatysty tergeu jalǧasyp jatyr.
Ūqsas jaŋalyqtar
