QR Prezidentı Qasym-Jomart Toqaev el tūrǧyndaryn Respublika künımen qūttyqtady, dep habarlaidy "Adyrna" ūlttyq portaly.
Memleket basşysy öz qūttyqtauynda Respublika künınıŋ män-maŋyzyn aişyqtap, Otan, Ädılettı Qazaqstan syndy qasterlı ūǧymdardan söz ettı:
"Qūrmettı otandastar! Barşaŋyzdy Respublika künımen şyn jürekten qūttyqtaimyn! Qazaqstannyŋ Memlekettık egemendıgı turaly deklarasiia qasterlı Täuelsızdıgımızge jol aşty. Sondyqtan būl tarihi qūjattyŋ män-maŋyzy zor. Bız biyldan bastap Respublika künın ūlttyq mereke retınde jaŋa mazmūnda atap ötemız. Osy bastama jūrttyŋ keŋ qoldauyna ie bolyp, dästürge ainalaryna senımdımın. Respublika künı – halqymyzdyŋ ruhyn köterıp, eldıgımızdı nyǧaitatyn, bırlıgımızdı bekemdep, yntymaǧymyzdy arttyratyn aişyqty mereke. Bız Ädılettı Qazaqstandy qūruǧa kırıstık. Barşa qazaqstandyqtar belsene atsalysqanda ǧana osy igı maqsatqa qol jetkıze alamyz. Sebebı memlekettıŋ tıregı de, basty bailyǧy da – azamattar! Jaŋǧyrǧan ūlttyq merekemızge orai öŋırlerde bırlıgımızdıŋ simvoly – kök bairaǧymyzdy köteruge arnalǧan saltanatty räsım ötedı. Būl – ūrpaq sanasynda otansüigıştık qasiettı, eldık ruh pen ūlttyq ūstanymdy bekemdei tüsetın maŋyzdy şara. Kök tuymyz – egemendık, azattyq, bırlık, beibıtşılık syndy ızgı qūndylyqtardy ūştastyratyn qasterlı rämız. Bız – bairaǧyn biık ūstaǧan babalardyŋ ūrpaǧymyz. Sondyqtan tu köteru räsımı ūlttyq merekenıŋ maŋyzyn arttyrady. Qazaqstannan basqa Otanymyz joq. Baǧdarymyz – aiqyn, maqsatymyz – ortaq. Bız täuelsızdık tūǧyryn biık ūstap, memlekettıgımızdı nyǧaita beremız. Öitkenı Otanymyz – bır, memleketımız – bır, halqymyz – bır. Endeşe Ädılettı Qazaqstandy bırge qūraiyq! Barşaŋyzǧa zor densaulyq, baq-bereke tıleimın!Elımızdıŋ egemendıgı baiandy bolsyn! - dedı Prezident.
"Adyrna" ūlttyq portaly
Ūqsas jaŋalyqtar
#Toqaev
qūttyqtau
Ädılettı qazaqstan
Memleket basşysy
Aqorda
Täuelsızdık
Egemendık
Otan
el tūrǧyndary
egemendık deklarasiiasy
Jaŋa dästür
Otanşyldyq
Memleketşıldık
ūlttyq ūstanym
