Qazaqstanda kreatıvti ındýstrııany damytý qory qurylatyn bolady. Ol eldegi jetekshi shyǵarmashylyq jáne bilim berý uıymdarynyń qatysýymen qorporatıvtik qor retinde qurylady. Bul jaıynda Mádenıet jáne aqparat mınıstri Aıda Balaeva Úkimet otyrysynda málim etti, dep habarlaıdy “Adyrna” ulttyq portaly.
Qor qyzmetin 4 negizgi baǵyt boıynsha júzege asyrady. Ideıadan bastap daıyn ónim men qyzmetke deıingi barlyq kezeńderdi qamtıtyn bolady:
- Talanttardy anyqtaý (konkýrstar, kreatondar, mobıldi prodıýserlik ortalyqtar uıymdastyrý, óńirlerde talanttardy izdeý).
- Jobalardy damytý (startaptardy akseleraııalaý jáne ınkýbaııalaý, kommerııalandyrý, ınvestıııa tartý).
- Infraqurylymdy damytý (habtar jelisin keńeıtý, turaqty art-alańdar qurý, memlekettik múlikke qol jetkizýdi qamtamasyz etý).
- Eksportqa qoldaý kórsetý (sheteldik aýdıtorııaǵa shyǵý, marketıng jáne PR, avtorlyq quqyqty qorǵaý).
Mınıstr mundaı qurylymdar álemniń jetekshi elderinde de baryn aıtady. Ulybrıtanııada – Creative England (Kreatıv Ingland) qory, Ońtústik Koreıada – Creative Korea (Kreatıv Koreıa) qory jumys isteıdi. Bul qor koreı mádenı tolqynyn damytýdyń negizgi operatory sanalady.
Qazaqstandaǵy Kreatıvti ındýstrııalardy damytý qorynyń bıýdjeti ulttyq lotereıa operatory qyzmetinen bólinetin 3% aýdarym esebinen qalyptastyrylady.
«Osyǵan baılanysty «Astana» halyqaralyq qarjy ortalyǵy (AHQO) bazasynda venchýrlyq bólimshe qurylyp, ınvestıııalardy tıimdi basqarý úshin basqarýshy kompanııalar pýly tartylady,- dep málimdedi Balaeva.
