Petropavlda qardyŋ eruınen qala köşelerın su basty

Petropavlda bırneşe kündık aiazdan keiın kürt jylynu bolyp, qardyŋ  eruı saldarynan qala köşelerın su basty, dep habarlaidy “Adyrna” ūlttyq portaly tengrinews.kz-ke sılteme jasap. Qala tūrǧyndary jaiau jürgınşı joldarynan ülken şalşyqtardan ötu mümkın emes ekenın aityp şaǧymdanuda. Sonymen qatar, aulalardaǧy balşyq pen bosap ketken qar avtokölık qozǧalysyna kedergı keltırude. Jūmysşy kentınıŋ tūrǧyndary äleumettık jelılerde köşelerdıŋ 90%-y tızeden keletın laiǧa ainalǧanyn mälımdedı. Olardyŋ aituynşa, joldardy qardan tazartu jūmystary uaqytynda jürgızılmegen. “Kölıkpen üige jetu mümkın emes, al äkımdık tarapynan eşqandai şara qabyldanbai jatyr,” – dep jazdy tūrǧyndardyŋ bırı. Sondai-aq, Universalnaia köşesındegı üilerdıŋ tūrǧyndary jaŋa temırjol köpırınıŋ qūrylysy kezınde su aǧatyn aryqtardyŋ bıtelıp qalǧanyn aitty. Sonyŋ saldarynan erıgen qar suy olardyŋ üilerıne kıre bastaǧan. “Qūrylys bastalǧanǧa deiın mūndai mäsele bolǧan joq. Qazır sudyŋ aǧatyn jerı joq, sondyqtan üilerımızge qarai jaiylyp jatyr,” – dedı tūrǧyndar. Petropavl qalalyq tūrǧyn üi-kommunaldyq şaruaşylyǧy bölımı mäselenı şeşu üşın arnaiy tehnikanyŋ jıberılgenın habarlady. “Qala tūrǧyndarynyŋ qauıpsızdıgın qamtamasyz etu maqsatynda su sorǧyş tehnikalar jūmys ısteude. Sonymen qatar, merdıger ūiymdarǧa sudyŋ üilerge jaqyndauyna jol bermeu üşın şara qabyldau tapsyryldy,” – dep mälımdedı vedomstvo ökılderı. Alaida, būl jauap tūrǧyndardy qanaǧattandyrmady. Olar su tasqynyna köpır qūrylysy sebep bolǧanyn jäne būl mäselenı halyqtyŋ öz moinyna aluyn ädıletsızdık dep sanaidy. Tötenşe jaǧdailar departamentınıŋ mälımetınşe, öŋırde aldyn alu şaralary belsendı jürgızılude: • 950 myŋ tekşe metr qar şyǧarylǧan; • 47 şaqyrym qorǧanys bögetterı salyndy, 41 şaqyrymy nyǧaitylǧan; • 108 su ötkızu qūbyry ornatylǧan; • 214 şaqyrym nöser kärız jüiesı tazartylǧan. Su tasqyny kezeŋıne 1900-den astam qūtqaruşy, 1350-ge juyq arnaiy tehnika, 462 motopompa jäne 122 qaiyq daiyndalǧan. Qauıptıŋ aldyn alu üşın tūrǧyndarǧa mümkındıgınşe su basu qaupı bar aumaqtardan uaqytşa ketu ūsynylady.