Qazaqstannyń energetıka mınıstri Almasadam Sátqalıev jańadan qurylatyn Iadrolyq energetıka agenttiginiń basshysy bolyp taǵaıyndalýy múmkin, dep habarlaıdy "Adyrna" ulttyq portaly Orda.kz-ke siltep.
Sátqalıevtiń ornyna "QazaqGaz" ulttyq kompanııasynyń basshysy Sanjar Járkeshov Energetıka mınıstri qyzmetine keledi dep boljanýda.
Bul aqparatty úkimetke jaqyn BAQ pen pablıkter taratqan.
Eske salsaq, Memleket basshysy Qasym-Jomart Toqaev 12 naýryzda Qazaqstanda Iadrolyq energetıka agenttigin qurý týraly málimdegen edi. Jańa agenttik eldegi atom energetıkasynyń damýymen aınalysady.
