SpaceX kompanııasynyń Falcon 9 zymyrany Florıdadan sátti ushyrylyp, tórt astronavttan turatyn ekıpajdy Halyqaralyq ǵarysh stanııasyna (HǴS) baǵyttady, dep habarlaıdy "Adyrna" ulttyq portaly Sky News-ke silteme jasap.
Bortta ekıpajdyń tórt múshesi bar. Enn Makkleın (AQSh, NASA), Nıkol Aıers (AQSh, NASA), Takýıa Onısı (Japonııa), Kırıll Peskov (Reseı) ushty.
Olar Býtch Ýılmor men Sýnı Ýılıamsty almastyrady. Bul eki astronavt HǴS-da segiz kún bolý kerek edi, alaıda tehnıkalyq aqaýlar saldarynan toǵyz aıǵa sozylǵan mıssııany aıaqtap, Jerge oralady.
Bastapqyda Crew-10 mıssııasy sársenbi kúni ushyrylýy tıis edi. Alaıda zymyrannyń jerdegi júıesinde aqaý anyqtalyp, iske qosý jumaǵa shegerildi. SpaceX kompanııasy bul máseleni gıdravlıkalyq qysqysh tutqada jınalǵan aýany shyǵarý arqyly sheshkenin habarlady.
Mıssııa tóńireginde saıası pikirtalastar da boldy. Donald Tramp pen onyń keńesshisi Ilon Mask astronavttardyń HǴS-ta uzaq qalýyn eks-prezıdent Djo Baıdenniń saıası sheshimi dep málimdedi. Biraq NASA bul málimdemeni joqqa shyǵardy, onyń sebebi tek tehnıkalyq aqaýlar ekenin atap ótti.
Jańa kelgen tórt ǵaryshker HǴS-da alty aı bolady. Olar ǵylymı zertteýler júrgizip, stanııanyń tehnıkalyq jaǵdaıyn qadaǵalaıdy.
Aıta keteıik, qańtar aıynda Býtch Ýılmor men Sýnı Ýılıams HǴS-ta jeti aı bolýdan keıin alǵash ret ashyq ǵaryshqa shyqqan edi.
