Búgin «Ulan» balalar men jasóspirimder gazetiniń negizi qalanǵanyna 95 jyl toldy.
Basylym alǵash ret «Jas Alash» gazetiniń 5-6 betin qamtıtyn ishki gazet retinde jarııalandy. Gazet qazaq balalaryn bastaýysh jáne tolyq emes orta bilim alýǵa shaqyrdy.
Gazet 1930-1937 jyldary «Pıoner», 1937-1941 jyldary «Oktıabr balalary» degen ataýmen basylyp shyqty. Uly Otan soǵysy jyldary basylmady. 1946-1989 jyldary gazettiń ataýy «Qazaqstan pıoneri» bolyp ózgerdi.
1930 jyly 5 qarashada «Pıoner» gazeti Almaty qalasynyń Gogol kóshesindegi № 9 úıde tuńǵysh ret óz aldyna derbes basylym bolyp shyqty. Gazettiń qurylýyna jazýshylar men qoǵam qaıratkerleri: S. Seıfýllın, B. Maılın, I. Jansúgirov, Ǵ. Músirepov, S. Esova, M. Áýezov, S. Muqanov, S. Begalın, B. Soqpaqbaev atsalysty.
Soǵystan keıingi jyldary gazet balalardyń kúsh jigerin eresekterge aýylsharýashylyq ekonomıkany kóterýge, mal sharýashylyǵy men eginshilikti damytýǵa kómektesýge baǵyttady. Tyń jáne tyńaıǵan jerlerdi ıgerý kezinde gazet «Tyń jerlerden hat», «Bul pıonerlerdiń kómegi» degen turaqty taqyryptarmen materıaldar shyǵardy. Gazet sonymen qatar óz oqyrmandaryn ǵylym jáne tehnıka, ádebıet pen óner, mádenıet jáne sport jańalyqtarymen tanystyrdy. Sol kezdegi gazettiń basty aıdarlary: «Ǵalamshardyń jas batyrlary», «Molshylyq», «Tórtinshi, besinshi eńbek», «Joldas vojatyı» jáne t.b.
Ár jyldary basylym redaktorlary Á. Ismaıylov, Á. Ydyrysov, S. Berdiqulov, F. Ońǵarsynova, Ý. Qalıjan, B. Qoıshybaev, Ǵ. Dosken, B. Súleımenov, S. Qalıuly jáne t.b. boldy.
Qazaqstan táýelsizdiginiń alǵashqy jyldarynan bastap gazetke zamanaýı «Ulan» ataýy berildi.
1980 jyly jaryq kórgenine 50 jyl tolýyna oraı jáne jas urpaqqa sanaly tárbıe berý jolyndaǵy eńbegi eskerilip, «Qazaqstan pıoneri» gazeti «Qurmet» ordenimen marapattaldy.
«Ulan» gazeti 2002 jyly Qazaqstan Respýblıkasy Jýrnalıstıka akademııasynyń «Altyn juldyz» syılyǵyn «Balalar basylymy» nomınaııasy boıynsha ıelendi.
Kórmege Qazaqstan Respýblıkasynyń Ulttyq kitaphanasy qorynan alynǵan balalar jazýshylary men jýrnalısterdiń ár jyldardaǵy, gazetter men jýrnaldar betterindegi maqalalar qoıyldy.
