Býrabaıda ótken Ulttyq quryltaıdyń tórtinshi otyrysynda Qasym-Jomart Toqaev salyq reformasynyń qajettigin atap ótti. Bul týraly Aqorda jarııalady, dep habarlaıdy “Adyrna” ulttyq portaly.
«Kásipkerlerdiń eki negizgi toby bar: birinshisi – zańnamadaǵy olqylyqtardy paıdalanyp, salyqtyq mindettemelerin barynsha azaıtýǵa tyrysatyndar, ekinshisi – barlyq salyqtardy adal tóleıtinder. Árıne, ekinshi toptaǵy kásipkerler básekege qabilettiligi tómen bolyp qalady. Úkimet bıznestiń salyqtan jaltarý maqsatynda bólshektenýi máselesine oryndy nazar aýdardy. Ókinishke qaraı, bul – keń taralǵan qubylys. Mysaly, bir meıramhanada 3-4 shaǵyn kásiporyn tirkelgen. Tipti, bardyń esep aıyrysý sóresi de bólek shaǵyn bıznes retinde rásimdelgen. Shyn máninde, bıznesti bólshekteý – zańnamalyq olqylyqtardyń saldary», – dedi Toqaev.
Prezıdenttiń aıtýynsha, bul másele úkimet pen depýtattar tarapynan jetkilikti deńgeıde zerttelmegen. Ol salyq saıasaty boıynsha kórsetkishterge negizsiz súıenýdiń qaýipti ekenin atap ótti.
«Elimizde eki mıllıonnan astam salyq tóleýshi men jeke kásipker tirkelgen dep maqtanyshpen aıtamyz. Biraq olardyń qandaı kásiporyndar ekeni, qalaı paıda bolǵany, qansha salyq tóleıtini nemese múlde tólemeıtini saraptalǵan joq», – dedi memleket basshysy.
Sonymen qatar, prezıdenttiń aıtýynsha, bul másele úkimet pen depýtattar tarapynan jetkilikti deńgeıde zerttelmegen. Taǵy da ádemi kórsetkishterdiń sońyna túsip, elde eki mıllıonnan astam salyq tóleýshi, jeke kásipker tirkelgen dep maqtanǵa salǵanyn jetkizdi. Sondaı-aq, olardyń qandaı kásiporyndar ekeni, qalaı paıda bolǵany, qansha salyq tóleıtini jáne múlde tólemeıtini saraptalmaǵanyn aıtty.
«Ádil ári tıimdi salyq júıesin qurý elimizdiń bolashaǵyna, keıingi urpaqtyń turmysyna tikeleı áser etetinin uǵynǵan jón. Bılik bızneske qoldaý kórsetip keldi, kórsete de beredi. Buǵan kúmán bolmaýǵa tıis. Biraq bıznestiń ózi zańdy jáne zańsyz bolady. Biz zańdy saqtaý, tártipke baǵyný kerek dep jatamyz. Endeshe Úkimettiń jáne jalpy bıliktiń qoldaý sharalarynyń ıgiligin, birinshi kezekte, adal ári jaýapty, eń bastysy, zań aıasynda jumys isteıtin kásipkerler kórýge tıis. Salyq reformasyna kelsek, batyl sharalardy dál qazir qabyldaý kerek. Áıtpese, budan da zor qıyndyqqa tap bolamyz», – dedi prezıdent.
