Qazaqstan Eýropalyq ınvestıııalyq bankten (EIB) €200 mln nemese qazirgi baǵam boıynsha 102,2 mlrd teńge kóleminde nesıe rásimdedi, dep habarlaıdy “Adyrna” ulttyq portaly.
Eýropalyq Odaq (EO) ókildiginiń málimetinshe, bul qarajat turaqty kólik ınfraqurylymyn damytýǵa, onyń ishinde Transkaspıı kólik dálizin jetildirýge, jańartylatyn energııa kózderin ártaraptandyrýǵa jáne klımattyń ózgerýimen kúreske baǵyttalmaq.
Nesıe qarajaty ulttyq jol operatory «QazAvtoJol» júzege asyryp jatqan joldardy qalpyna keltirý baǵdarlamasyna jumsalady. Bul bastama eldegi kólik qatynasyn jaqsartyp, ınfraqurylym sapasyn arttyrýǵa baǵyttalǵan.
Sonymen qatar, 5 myń shaqyrym ulttyq jáne óńirlik jol jóndelip, jolaýshylar men júk tasymalynyń qoljetimdiligi artady, jol qaýipsizdigi men ekologııalyq turaqtylyq kúsheıtiledi.
Energetıka salasynda qarjy jańartylatyn energııa kózderin damytýǵa bólinedi. Eýropalyq ınvestıııalyq bank (EIB) Qazaqstannyń kómirsýtekke táýeldiligin azaıtýǵa, parnıktik gazdar shyǵaryndylaryn tómendetýge jáne «jasyl» ekonomıkaǵa kóshýine qoldaý kórsetpek.
«Bul ınvestıııalar Qazaqstan ekonomıkasyn ártaraptandyrýǵa jáne ony turaqty etýge kómektesedi», – dedi EIB Global bóliminiń bas dırektory Endrıý Makdaýell.
Eýropalyq komıssııanyń halyqaralyq seriktestikter jónindegi komıssary Iozef Sıkela EO-nyń Qazaqstanmen ekonomıkalyq seriktestikti tereńdetýge múddeli ekenin atap ótti.
Óz kezeginde, Qazaqstannyń Damý bankiniń basqarma tóraǵasy Marat Elibaev halyqaralyq qarjy ınstıtýttarymen áriptestikti jalǵastyrý mańyzdy ekenin jetkizdi.
Aıta keteıik, buǵan deıin Qazaqstan Azııa damý bankinen (ADB), Azııa ınfraqurylymdyq ınvestıııalar bankinen (AIIB) jáne Halyqaralyq qaıta qurý jáne damý bankinen (HQDB) jalpy somasy 636 mlrd teńgege nesıe alǵan bolatyn.
