Franııa prezıdenti Emmanýel Makron 5 naýryz kúni ultqa arnaǵan úndeýinde Ýkraınaǵa qatysty mańyzdy málimdemeler jasady, dep habarlaıdy “Adyrna” últtyq portaly jergilikti BAQ-qa siltep.
Makron óz sózinde Reseıdi Franııa men Eýropaǵa qaýip tóndiretin memleket dep atady. Sondaı-aq ol Reseıdiń Ýkraınadaǵy soǵysty toqtatýǵa qarsy ekenin bildirdi.
“ Reseıdiń sózine senýge bolmaıdy. Ýkraına beıbitshilik pen qaýipsizdikke quqyly, bul – bizdiń múddemizge saı keledi”, – dedi.
Makron úndeýinde eldiń ıadrolyq qarýyn búkil Eýropa qaýipsizdigi úshin paıdalanýdy talqylaýǵa daıyn ekenin málimdedi. Sonymen qatar, Makron Ýkraınaǵa eýropalyq ásker ornalastyrý múmkindigin qoldaıtynyn jetkizdi.
Makronnyń ultqa úndeýindegi basty málimdemeleri mynadaı:
"Reseı Franııa men Eýropaǵa qaýip tóndirip tur. Biz 2014 jyly Mınsk kelisimderin jasadyq, biraq Reseı ony buzdy. Biz Reseımen jasalǵan kelisimderge sene almaımyz. 2030 jylǵa qaraı Reseı 3 mıllıon sarbazdy jumyldyrýdy jáne 4 myń tank jasaýdy josparlap otyr. Beıbitshilik bizdiń qurlyqqa tek «tynyshtandyrylǵan Reseımen» ǵana oralady. Beıbitshilik «kez kelgen baǵamen, Reseı dıktaty aıasynda ornamaýy kerek jáne Ýkraına kapıtýlıaııaǵa barmaýy tıis». Ýkraınaǵa eýropalyq áskerlerdi ornalastyrý múmkindigin joqqa shyǵarmady. Franııanyń ıadrolyq qarýyn búkil EO-ny qorǵaý úshin paıdalaný týraly pikirtalas bastaýdy sheshti. Franııada Eýropadaǵy eń tıimdi ásker bar. Kelesi aptada Franııa Ýkraınadaǵy bolashaq beıbitshilikti qamtamasyz etýge daıyn elderdiń shtab basshylaryn jınaıdy. AQSh-tyń baj salyǵyn engizýi jaǵdaıynda qarymta shara qoldanamyz dep ses kórsetti", - dedi ol óz sózinde.
Onyń aıtýynsha, kelesi aptada Parıjde Ýkraınadaǵy turaqty beıbitshilikti qamtamasyz etýge daıyn elderdiń shtab basshylary bas qosady.
Reseı qaýipsizdik keńesi tóraǵasynyń orynbasary Dmıtrıı Medvedev Makronnyń málimdemesine dereý jaýap berdi.
“Makronnyń ózi asa qaýipti emes, ol 2027 jyldyń 14 mamyrynan keshikpeı saıası sahnadan ketedi” - dep pikir bildirdi.
Al Reseı syrtqy ister mınıstrliginiń resmı ókili Marııa Zaharova Makronnyń rıtorıkasyn eskere otyryp, Franııanyń jańa elshisi ne úshin Máskeýge bara jatqanyn surady.
