Qazaqstannyń eks-prezıdenti Nursultan Nazarbaevtyń ortanshy qyzy Dınara Qulybaeva men onyń kúıeýi, olıgarh Tımýr Qulybaevtyń otbasy Konstıtýııalyq sot arqyly buryn memleketke qaıtarylǵan Qazaqstan-Brıtan tehnıkalyq ýnıversıtetin (QBTÝ) qaıtaryp almaqshy. Bul týraly QazTAG agenttigi jarııalady, dep habarlaıdy “Adyrna”.
«Mundaı máseleler boıynsha komıssııa bolsa da sheshim tek sotta ǵana qabyldanady. Búginde, meniń bilýimshe, birinshi jáne ekinshi sot ınstanııalary aıaqtaldy. Degenmen, konstıtýııalyq shaǵym qaldy. Sondyqtan, meniń túsinýimshe, qazir qaraýdy Konstıtýııalyq Sot kútip tur, sońǵy sóz Joǵarǵy Sotta bolady. Biz tek onyń sheshimin kúte alamyz. Men qazir eshteńege túsinikteme bere almaımyn, óıtkeni bári zań salasynda bolyp jatyr. Tergeý júrip jatyr, bizdiń mınıstrliktiń bul proeske esh qatysy joq. Osylaısha, sot sheshimin kútý kerek, sodan keıin ǵana biz onyń qalaı júzege asyrylatyny týraly túsinikteme bere alamyz», - dedi seısenbi kúni úkimettiń brıfınginde QBTÝ-dy memleketke qaıtarý týraly sóz sóılegen ǵylym jáne joǵary bilim mınıstri Saıasat Nurbek.
Jýrnalıster naqtylap, “bul burynǵy ıeleriniń aldyńǵy ınstanııalarda jeńilgenin bildire me?” degen suraq qoıdy.
«Meniń bilýimshe, birinshi ınstanııanyń sheshimi kúshinde qaldyryldy, al ekinshi ınstanııanyń sheshimi boıynsha múlik memleketke qaıtarylýy tıis. Osydan baryp aqparat shyqty. Biraq shaǵymdar birneshe ret qaıtalandy, bul bizdiń sot júıemizdiń jumysy týraly másele», - dedi Nurbek.
Buǵan deıin Almatydaǵy QBTÝ-dyń ıesi, jalǵyz quryltaıshysy bolǵan Dınara Qulybaeva negizin qalaǵan “Nursultan Nazarbaev bilim berý qory” bolatyn. 4 naýryzda iri órtten keıin Qulybaevtar otbasy QBTÝ-dy baqylaýdy toqtatqan.
Esterińizge sala keteıik, Tótenshe jaǵdaılar mınıstrligi 11 qańtar kúni saǵat 22.00 shamasynda QBTÝ ǵımaratynda órt shyqqany týraly habarlaǵanymen, bastapqyda órt sóndirilip jatqan ǵımarattyń atyn atamaı, nysandy «ǵımarattardyń biri» dep atady. Keıin órt sóndirýshiler órtti sóndirýde qıyndyqtar týyndaǵanyn habarlady. Tipti keıinirek Astananyń Almatydaǵy QBTÝ ǵımaratyndaǵy órtti sóndirý úshin kúshter men quraldardy arttyrýdy tapsyrǵany belgili boldy. Órt tún ortasy shamasynda oqshaýlanǵan.
