Nazarbaevtyń týǵan qudasy qaıtys boldy

3086
Adyrna.kz Telegram

Nursultan Nazarbaevtyń týǵan qudasy Ǵabıt Dosanov qaıtys boldy. Bul týraly jazýshy Sábıt Dosanov Qazaquni.kz saıtynda inisiniń qazasyn jetkizgen, dep habarlaıdy “Adyrna” ulttyq portaly. 

Ǵabıt Dosanov — Álııa Nazarbaevynyń kúıeýi Dımash Dosanovtyń ákesi.

"Onynshy tamyz sársenbiniń keshinde sanany sansyratyp, júrekti qansyratyp qaraly, qaıǵyly habar jetti: Alakólge demalysqa barǵan Ǵabıtim pánıden baqıǵa attanyp ketipti...

Júregimniń bólshegi, baqytymnyń ólshemi edi, janbaýyrym Ǵabıtim. Azamat edi aıaýly, jaqynynan bilmeıtin jan aıaýdy. Aspandaǵy aı men kúndeı aınalasyna únsiz sáýle shashatyn, qıyndyq kelse jasymaıtyn, qýanysh kelse tasymaıtyn sabyrly syrbaz edi, tóresi edi jigittiń. 62 jasynda atar tańy sóndi, tatar dámi taýsyldy. Tas kedergi, tasmańdaı taǵdyr seksennen jasym asqanda, densaýlyq syr bergen shaqta qandy qanjaryn qadady júrekke. Sańsyrap, qansyrap otyrmyn, jasqa toly janarym túk kórmeıtin soqyrmyn...

O, Alla-aı, kúni keshe ǵana emes pe, baýyrmal baýyrym Totaıymdy alǵanyń?.. Sol azdaı-aq soqqy ústine soqqy bergeniń netkeniń? Neden jazdym, qaı qylyǵymen jaqpadym? Kúnáli bolsam kesh meni! Jaralaı bermeı qansyraǵan júrekti qalǵan jaqyndarymdy saqtaı gór!..

Qosh bol, qoshtasýǵa qımaıtyn, tal besikke syısa da, jer besikke syımaǵan, janbaýyrym Ǵabıtim", - dep jazdy jazýshy.

“Adyrna ulttyq portaly

Pikirler