Úkimet Qazaqstandaǵy ýaqyt beldeýin aýystyrý boıynsha zertteý nátıjelerin usyndy. Bul týraly saýda jáne ıntegraııa mınıstri Arman Shaqqalıev málimdedi, dep habarlaıdy «Adyrna” ulttyq portaly.
«Halyqtyń densaýlyǵyna, energııa tutynýyna jáne eńbek ónimdiligine ýaqyt beldeýleriniń ózgerýiniń praktıkalyq áserin zertteý úshin medıınanyń, neıroǵylymnyń, bıofızıkanyń, genetıkanyń, astrofızıkanyń, fızıologııanyń salasyndaǵy ǵylymı-zertteý ınstıtýttary, máslıhat depýtattary men basqa da múddeli taraptardy tarta otyryp monıtorıng júrgizildi. Jumys barysynda derekterdi zertteý, saýalnamalardyń nátıjeleri men ýaqyt beldeýin aýystyrǵanǵa deıingi jáne keıingi kórsetkishterdi salystyrý boıynsha keshendi tásil qoldanyldy», - dedi saýda jáne ıntegraııa mınıstri Arman Shaqqalıev.
Onyń aıtýynsha, zertteýler júrgizý ádistemesi halyqtyń densaýlyǵyna, energııa tutynýyna, eńbek ónimdiligine, oqýshylardyń úlgerimine, qylmys deńgeıi jáne basqa da aspektilerge ýaqyt beldeýin ózgertý áserin baǵalaýda 40-tan astam metrıkalar men kórsetkishterdi qamtıdy.
Densaýlyq saqtaý salasy boıynsha zertteý ártúrli jas toptaryn jáne qala men aýyl halqyn qamtydy.
Energııany tutyný bóliginde elektr energııasyn tutyný statıstıkasyn, onyń ishinde eń joǵary júktemelerdi, qysqy shyńdarǵa áser etýdi baǵalaýdy jáne búkil el boıynsha jáne kóp páterli turǵyn úı keshenderi boıynsha elektr energııasyn tutynýdy salystyrý júrgizilgeni kórsetilgen.
Eńbek qyzmeti boıynsha oryndalǵan jumys kólemi, keshigý men jalqaýlyq jaǵdaılary, jaraqattar men tártip buzýshylyqtar sany qarastyryldy.
«Nátıjeler ýaqyt beldeýin aýystyrýdyń halyqtyń ómir súrý deńgeıine teris áser etpeıtinin kórsetedi. Sonymen qatar, óńirlerde máslıhat depýtattary jumys ýaqytyn ońtaılandyrýdy qoldap, jumys kestesin túzetý bastamasyn kóterdi», - dep málimdedi mınıstr.
Mundaı ýáj zertteý júrgizilmeı turyp aıtylǵan rıtorıkamen úndes shyqty.
Onyń aıtýynsha, búginde Shyǵys Qazaqstan oblysynyń birqatar aýdandarynda (Katonqaraǵaı, Marqakól, Úlken Naryn, Zaısan, Tarbaǵataı, Samara, Kúrshim) jumys kestesi saǵat 8.00-den 17.30-ǵa deıin túzetildi.
Sondaı-aq, ol qajet bolǵan jaǵdaıda bul tájirıbeni jergilikti atqarýshy organdar basqa óńirlerde de qoldanatynyn aıtty.
