Moŋǧoliia astanasy Ūlan-Batyr qalasynda 11 qaŋtar künı ükımetke qarsy miting öttı, dep habarlaidy "Adyrna" ūlttyq portaly News.mn saityna sılteme jasap.
Şeruge qatysuşylar Moŋǧoliia ükımetın tütınmen, jūmyssyzdyqpen jäne basqa da mäselelermen küresuge qabıletsız dep aiyptap, otstavkaǧa ketudı talap etude.
Narazylyq bıldıruşıler toby memlekettık saraidyŋ aldynda, Şyŋǧyshan müsını maŋynda şeru ötkızıp jatyr. Keide olar saraidy basyp aluǧa tyryssa, qauıpsızdık küşterı būl şabuyldardy bırneşe ret toitaryp, qorǧaudy jalǧastyruda - dep jazdy News.mn monǧol jaŋalyqtar saity.
Ūlan-Batyrda narazylyq saldarynan qalanyŋ ortalyq daŋǧyly jabylyp, 15 avtobus toqtatylǧan. Qoǧamdyq kölık qyzmetınıŋ būzyluyna bailanysty jergılıktı tūrǧyndar qalalyq kölık basqarmasyna şaǧymdanuda.
Narazylyq aksiiasynyŋ bastamaşysy ärı ūiymdastyruşysy – «Erkındık aliansy» partiiasy. Partiia ökılderınıŋ pıkırınşe, ükımet tütın, keptelıs, kedeilık, jemqorlyq, salyqtar jäne jūmyssyzdyq siiaqty mäselelerdı şeşe almaidy. Sondyqtan ükımettı otstavkaǧa ketuı kerek dep sanaidy. Osyǧan bailanysty «Erkındık aliansy» partiiasy parlamenttıŋ 33 müşesıne tiıstı hat jıbergen.
Şeruge qatysuşylar qazırgı ükımetpen eşqandai keŋes, kezdesu nemese kelıssözder ötkızbeitının jäne eşqandai tüsınıktemelerdı qabyldamaitynyn mälımdedı.
Elde polisiia qyzmetkerlerı küşeitılgen rejimde jūmys jasauda. Olar narazylyq bıldıruşılerdı zaŋdar men demonstrasiialardy ötkızu erejelerın saqtauǧa şaqyrdy.
Sait mälımetınşe, narazylyq bıldıruşıler arasynda alkogoldı ışımdık ışken adamdar da bar.
Ūqsas jaŋalyqtar
