Gambýrg-Fýlsbıýttel áýejaıynyń qyzmetkerleri kútpegen jerden ereýilge shyǵyp, 9 naýryzda áýejaıdyń jumysy tolyq toqtatyldy, dep habarlaıdy "Adyrna" ulttyq portaly BILD basylymyna silteme jasap.
Verdi kásipodaǵy qyzmetkerlerdiń ereýilin jarııalaǵan. Bul jolaýshylar úshin úlken kútpegen jaǵdaı boldy.
Áýejaıdyń resmı saıtynda Verdi kásipodaǵynyń ereýiline baılanysty áýejaıdyń jabylǵany týraly shuǵyl habarlama jarııalandy.
Kúni boıy barlyq reıster toqtatylyp, jolaýshylarǵa óz reısteri týraly aqparat alý úshin áýe kompanııalaryna júginý usynyldy. Kóptegen jolaýshylar jaǵdaı týraly tek sońǵy sátte elektrondy poshta men messendjerler arqyly bilgen.
Jaǵdaı odan ári kúrdelene túsýi múmkin ekeni aıtylýda.
Verdi kásipodaǵy dúısenbi kúni Berlın, Gannover jáne Frankfýrt áýejaılarynda jańa ereýilder bolatynyn aldyn ala habarlady.
