Almaty áýejaıynda pyshaqpen áýejaı qyzmetkerin kepilge alyp, rıýkzagynda "bomba" bar dep jolaýshylardy qorqytqan er adamǵa qatysty úsh qylmystyq is qozǵaldy, dep habarlaıdy "Adyrna" ulttyq portaly Polisia.kz-ke silteme jasap.
Oqıǵa boıynsha "Kepilge alý", "Qarý qoldaný arqyly buzaqylyq jasaý" jáne "Terrorızm aktisi týraly jalǵan habarlama taratý" baptarymen qylmystyq is qozǵalǵan.
Sot sheshimimen kúdikti eki aıǵa qamaýǵa alyndy.
IIM basshysy Erjan Sadenovtyń tapsyrmasymen eldegi áýejaılar men vokzaldardaǵy qaýipsizdik júıesi qaıta tekserilýde.
Arnaıy top osal tustardy anyqtap, baqylaýdy kúsheıtý, jedel áreket etý algorıtmin jetildirý jáne qaýipsizdik qyzmetkerlerin oqytý boıynsha sharalar qabyldaýda.
Vedomstvo bul jaǵdaıdyń tolyq baqylaýda ekenin jáne bolashaqta osyndaı oqıǵalardyń aldyn alý úshin qajetti jumystar júrgiziletinin málimdedi.
