Ońtústik Koreıa Áskerı-áýe kúshteriniń eki KF-16 joıǵysh ushaǵy oqý-jattyǵý kezinde qatelesip, jattyǵý alańynyń ornyna jaqyn mańdaǵy aýylǵa segiz bomba tastaǵan. Sonyń saldarynan 15 adam jaraqat aldy, dep habarlaıdy "Adyrna" ulttyq portaly Yonhap-qa siltep.
Oqıǵa Seýlden 40 shaqyrym jerdegi Phochhon aýylynda tańǵy saǵat 10 shamasynda bolǵan. Jarylystardan shirkeý men jeti ǵımaratqa zaqym kelgen. Jaralanǵandar arasynda eki sarbaz ben eki sheteldik azamat bar.
Órt sóndirýshiler beti men ıyǵynan aýyr jaraqat alǵan eki adamdy aýrýhanaǵa jetkizdi. Dárigerler olardyń ómirine qaýip joq ekenin málimdedi. Taǵy segiz turǵyn jeńil jaraqat alyp, medıınalyq kómekke júgingen. Bılik zardap shekkender sany artýy múmkin ekenin boljap otyr.
Qaýipsizdik maqsatynda aýyldyń 50-ge jýyq turǵyny evakýaııalandy. Ońtústik Koreıa Áýe kúshteri beıbit turǵyndarǵa zııan kelgenine keshirim surap, apatty shtab bastyǵynyń orynbasary general-leıtenant Pak Kı Vannyń basshylyǵymen tergeý júrgizilip jatqanyn habarlady.
"Biz beıbit turǵyndarǵa tıgizgen zalalymyz úshin ókinish bildiremiz jáne jaralanǵandardyń tezirek saýyǵyp ketýin tileımiz. Barlyq qajetti sharalar qabyldanyp, keltirilgen shyǵyn óteledi", – delingen Áýe kúshteri taratqan málimdemede.
Aıta keteıik, jattyǵýǵa 160-tan astam áskerı tehnıka, sonyń ishinde K2 tankteri, K55A1 gaýbıalary, shabýyldaýshy tikushaqtar jáne F-35A joıǵysh ushaqtary qatysqan.
