Almatyda käsıpker Baqyt İbragimge tiesılı baǧasy 460,6 million teŋge bolatyn zäulım sarai satylymǧa şyǧaryldy, dep habarlaidy "Adyrna" ūlttyq portaly.
Habarlandyru e-qazyna.kz portalynda jariialanǧan.
Būl nysan byltyr nauryz aiynda ömırden ötken käsıpker Baqyt İbragimge tiesılı bolǧan.
Almaty qalasy memlekettık aktivter basqarmasynyŋ mälımetınşe, üi kommunaldyq menşıkke qabyldanyp, Almaty qalasynyŋ kommunaldyq infraqūrylymdy damytu basqarmasyna bekıtılgen.
Jalpy audany 553,6 şarşy metr bolatyn būl tūrǧyn üi Almaty qalasy, Bostandyq audany, Qarǧaly yqşamaudany, 2-köşe, 48-üi mekenjaiynda ornalasqan. Üimen bırge 0,14 gektar jer telımı jäne qosalqy şaruaşylyq qūrylystary satylady. Jalpy nysannyŋ baǧasy – 460 million 630 myŋ teŋge.
Auksion 5 nauryzda ötedı. Saudaǧa qatysu üşın 69 million teŋgeden astam kepıldık jarna talap etıledı.
Jariialanǧan suretter men qūjattarǧa süiensek, üi ekı qabatty jäne jertölesı bar. Bölmeler sany körsetılmegen. Ǧimarat 2011 jyly salynǧan. Aulada bassein bar, al garajda bırneşe avtokölık tūr.
Zaŋǧa säikes, būl jyljymaityn mülıktı satudan tüsken qarjy jergılıktı biudjetke baǧyttalady.
Eske salaiyq, 2020 jyldyŋ qaraşasynda Qazaq Banki-dıŋ būrynǧy aksionerı Baqyt İbragim 8 jylǧa bas bostandyǧynan aiyrylǧan bolatyn. Ol Bank RBK-dan qarajat jymqyru ısı boiynşa sottalǧan edı.
