Almatyda kásipker Baqyt Ibragımge tıesili baǵasy 460,6 mıllıon teńge bolatyn záýlim saraı satylymǵa shyǵaryldy, dep habarlaıdy "Adyrna" ulttyq portaly.
Habarlandyrý e-qazyna.kz portalynda jarııalanǵan.
Bul nysan byltyr naýryz aıynda ómirden ótken kásipker Baqyt Ibragımge tıesili bolǵan.
Almaty qalasy memlekettik aktıvter basqarmasynyń málimetinshe, úı kommýnaldyq menshikke qabyldanyp, Almaty qalasynyń kommýnaldyq ınfraqurylymdy damytý basqarmasyna bekitilgen.
Jalpy aýdany 553,6 sharshy metr bolatyn bul turǵyn úı Almaty qalasy, Bostandyq aýdany, Qarǵaly yqshamaýdany, 2-kóshe, 48-úı mekenjaıynda ornalasqan. Úımen birge 0,14 gektar jer telimi jáne qosalqy sharýashylyq qurylystary satylady. Jalpy nysannyń baǵasy – 460 mıllıon 630 myń teńge.
Aýkıon 5 naýryzda ótedi. Saýdaǵa qatysý úshin 69 mıllıon teńgeden astam kepildik jarna talap etiledi.
Jarııalanǵan sýretter men qujattarǵa súıensek, úı eki qabatty jáne jertólesi bar. Bólmeler sany kórsetilmegen. Ǵımarat 2011 jyly salynǵan. Aýlada basseın bar, al garajda birneshe avtokólik tur.
Zańǵa sáıkes, bul jyljymaıtyn múlikti satýdan túsken qarjy jergilikti bıýdjetke baǵyttalady.
Eske salaıyq, 2020 jyldyń qarashasynda Qazaq Banki-diń burynǵy akıoneri Baqyt Ibragım 8 jylǵa bas bostandyǵynan aıyrylǵan bolatyn. Ol Bank RBK-dan qarajat jymqyrý isi boıynsha sottalǵan edi.
