Búgin Alash partııasynyń jetekshisi, ult kósemi Álıhan Bókeıhanovtyń týǵan kúni.
Ol 1866 jyly 5 naýryzda qazirgi Qaraǵandy oblysy, Aqtoǵaı aýdanynda dúnıege kelgen.
Álıhan Bókeıhanov – Alash qozǵalysynyń jetekshisi, ǵalym, pýblııst. Ol qazaq halqynyń saıası, áleýmettik, mádenı damýyna zor úles qosqan tarıhı tulǵa.
1905 jyldan bastap ulttyq múddeni qorǵaý jolynda kúres júrgizip, 1917 jyly qurylǵan Alash Orda úkimetiniń tóraǵasy boldy.
Memlekettik Dýma depýtaty retinde qazaq halqynyń quqyqtaryn qorǵaýǵa atsalysty. Ǵylymı-aǵartýshylyq salada da úlken eńbek sińirip, qazaq tarıhy, sharýashylyǵy men mádenıeti jóninde zertteýler jazdy.
Álıhan Bókeıhanov «Reseı. Jalpy geografııalyq sıpattama» atty kóp tomdyq eńbektiń qazaq dalasyna arnalǵan 18-tomynyń avtorlarynyń biri boldy.
1904 jyly qazaq dalasyna qonys aýdarý qozǵalysyn zerttegen F.A. Sherbına ekspedıııasynyń quramynda bolyp, jer máselesine qatysty mańyzdy derekter jınaǵan.
1911-1914 jyldary «Jańa enıklopedııalyq sózdiktiń» 4-21 tomdaryna avtor retinde qatysqan.
«Qazaq» gazetiniń redaktory retinde ulttyq sanany oıatýǵa úles qosty, Abaı shyǵarmalaryn nasıhattap, orys ádebıetin aýdardy. Ol qazaq jerin otarlaýǵa qarsy shyǵyp, ulttyq-mádenı avtonomııany qurýǵa umtyldy.
Keńes bıliginiń ult saıasatyna qarsy bolǵany úshin 1937 jyly 27 qyrkúıekte Qazaqstan Keńestik Respýblıkalar Odaǵy Joǵarǵy Sotynyń Áskerı Kollegııasy jalǵan aıyp taǵyp, Álıhan Bókeıhanovty 71 jasynda elinen tys jerde – Máskeýde ólim jazasyna kesilsin degen úkim shyǵardy.
