Zaısan, Kúrshim, Tarbaǵataı jáne Samar aýdandarynyń turǵyndary 5 naýryzdan bastap jumys kúnin bir saǵat erterek bastaıdy, dep habarlaıdy "Adyrna" ulttyq portaly.
Shyǵys Qazaqstan oblysy Tarbaǵataı aýdanynyń ákimi Darhan Jórgekbaevtyń aıtýynsha, jumys ýaqytyn bir saǵatqa jyljytý ıdeıasyn aýdannyń barlyq 28 aýyldyq eldi mekeniniń turǵyndary qoldaǵan.
Zaısan aýdanynda 33 eldi meken bar, onda 35 myńnan astam adam turady.
Aýdan ákimi Áelıta Ahmetsálimqyzynyń aıtýynsha, zaısandyqtar bul usynysty qýana qabyldaǵan.
"Bul sheshim qabyldanbas buryn, árbir aýyldyq okrýgte jınalystar ótkizdik, halyq bul ıdeıany qoldady. Óıtkeni Zaısan aýdany Shyǵys Qazaqstan oblysynyń shyǵys shekarasyna eń jaqyn ornalasqan, sondyqtan bizde kún erte shyǵady, ıaǵnı jaryq ýaqyt ta erterek bastalady. Sondyqtan jumys kúniniń 08:00-de bastalyp, 17:30-da aıaqtalýy halyqqa óte yńǵaıly – jumystan keıin úı sharýasyna, balalarǵa jáne jaqyndaryna kóbirek ýaqyt qalady", – dedi ákim.
Aıta keteıik, Zaısan aýdanynda segiz aýyldyq okrýg jáne 33 eldi meken bar. Onda 35 219 adam turady.
5 qańtardan bastap Katonqaraǵaı aýdanynyń 17 aýylynda jumys kúni 08:00-de bastalyp, 17:30-da aıaqtalatyn jańa jumys kestesine kóshken bolatyn. Al 24 aqpannan bastap Marqakól jáne Úlken Naryn aýdandarynyń turǵyndary da osy kestege ótken.
