Búgin, 4 naýryzda Serbııa parlamentinde oppozıııalyq partııalardyń depýtattary pırotehnıkalyq zattardy qoldanyp, tóbeles shyǵardy. Májilis translıaııasy ÚouTube-te tikeleı kórsetildi, dep habarlaıdy “Adyrna” ulttyq portaly.
Tóbeles shamamen otyrys bastalǵannan bir saǵattan keıin bastaldy. Depýtattar joǵary bilim berýdi qarjylandyrýdy arttyrý týraly zań jobasyna daýys berýi tıis bolatyn. Alaıda oppozıııa úkimettiń basym kópshiligi basqa da kóptegen sheshimderdi bir ýaqytta maquldaýdy josparlap otyrǵanyn málimdedi.
Olar bul áreketti zańsyz dep sanaıdy. Sebebi, aldymen premer-mınıstr Mılosh Výchevıch pen onyń úkimetiniń otstavkasy týraly másele sheshilýi kerek. Výchevıch bul týraly 28 qańtarda, jappaı narazylyqtardyń ortasynda málimdegen bolatyn.
Oppozıııalyq zań shyǵarýshylar minbege shyǵyp, ysqyryp, «Rejım qulaıtyndaı Serbııa kóterildi!» degen jazýy jáne qandy alaqannyń beınesi bar plakattardy kóterip, qarsylastarmen tóbelese bastady. Parlament zalynda tútin bombalaryn jaǵyp, jumyrtqa men sý bótelkelerin laqtyrdy. Dál osy ýaqytta oppozıııanyń júzdegen jaqtastary parlament ǵımaratynyń aldyna narazylyq sherýine jınaldy.
Serbııanyń úkimettik koalıııasyn basqaratyn Serbııalyq progressıvti partııanyń parlament spıkeri Ana Brnabıch oppozıııany "terrorıstik banda" dep aıyptap, bir depýtattyń aýyr jaǵdaıǵa túskenin habarlady. Associated Press agenttiginiń málimeti boıynsha, kem degende úsh depýtat jaraqat alǵan.
Eske salsaq, 2024 jyldyń 1 qarashasynda jaqynda jóndeýden ótken Novı-Sad qalasyndaǵy ortalyq temirjol vokzalynda betondy shatyr qulap, 15 adam qaza tapqan bolatyn. Tragedııadan keıin Belgradta narazylyqtar bastalyp, olar ýaqyt óte kele basqa qalalarǵa da tarady. Demonstranttar jaýapty tulǵalardyń jazasyz qalmaýyn talap etti. Olar Novı-Sad qalasynyń meri men premer-mınıstr Mılosh Výchevıchtiń otstavkasyn talap etti.
28 qańtarda Výchevıch otstavkaǵa ketkenin jarııalady. Ol bul sheshimniń Novı-Sadtaǵy tragedııamen jáne narazylyqtar kezinde bir stýdenttiń jaraqat alýymen baılanysty ekenin aıtty. Serbııa prezıdenti Aleksandr Výchıch onyń narazylyqtarǵa alańdamaıtynyn málimdedi.
