Tramp ákimshiligi Reseıge salynǵan sankııalyq qysymdy ishinara jeńildetý josparyn ázirlemek. Bul týraly Reuters agenttigi jazdy, dep habarlaıdy “Adyrna” ulttyq portaly.
Agenttiktiń habarlaýynsha, bul tapsyrma AQSh memlekettik departamenti men qarjy mınıstrligine prezıdent Donald Tramp ákimshiliginen túsken. Bul vedomstvolarǵa qandaı shekteý sharalaryn azaıtyp nemese tolyqtaı alynyp tastalýy múmkin ekendigi týraly tizim jasaý tapsyrylǵan.
Daıyndalǵan tizim aldaǵy kelissózder barysynda AQSh ókilderi men reseılik sheneýnikter arasynda talqylanbaq. Aq úı bul qadamdy Tramptyń Máskeýmen qarym-qatynasty jaqsartýǵa jáne Ýkraınadaǵy áskerı qaqtyǵysty toqtatýǵa umtylýymen baılanysty dep túsindirdi.
Aqparatqa sáıkes, qujat jobasynda birqatar reseılik zańdy jáne jeke tulǵalarǵa, sonyń ishinde iri kásipkerlerge salynǵan sankııalardy alyp tastaý múmkindigi qarastyrylǵan. Alaıda túpkilikti sheshim áli naqty emes.
