Ózbekstan syrtqy ister mınıstrligi Iran prezıdenti Ibragım Raısı tikushaǵynyń apatqa ushyraýyna qatysty málimdeme jasady, dep habarlaıdy “Adyrna” ulttyq portaly.
Ózbekstan syrtqy ister mınıstrligi Iran Islam Respýblıkasynyń prezıdenti Ibragım Raısı mingen tikushaqtyń apatqa ushyraǵany týraly habardy qatty alańdaýshylyqpen qabyldaǵanyn habarlady.
Osy habarlamaǵa sáıkes, Ózbekstan Respýblıkasynyń syrtqy ister mınıstrligi tikushaq jolaýshylary, onyń ishinde Irannyń joǵary laýazymdy ókilderiniń taǵdyry týraly aqparatty muqııat qadaǵalap otyr.
«Barlyq jolaýshylar jaqyn arada aman-esen tabylady dep shyn júrekten úmittenemiz, ózbek jurty qajet bolǵan jaǵdaıda ırandyq dostarymyzǵa kómek kórsetýge tolyq daıyn ekenin bildiredi», - delingen Ózbekstan syrtqy ister mınıstrliginiń málimdemesinde.
