نارحوز ۋنيۆەرسيتەتىنىڭ پرەزيدەنتى قانات قوجاحمەت جەلىنى شۋلاتقان ء“دىني ءدارىس” ءۇشىن كەشىرىم سۇرادى. بۇل تۋرالى Bes.media جازدى، دەپ حابارلايدى “ادىرنا” ۇلتتىق پورتالى.
اقپارات بويىنشا، ءدارىستى كاسىپكەر اياجان جاقسىباي وتكىزگەن.
ۋنيۆەرسيتەت پرەزيدەنتىنىڭ ايتۋىنشا، باستاپقىدا ءدارىستىڭ تاقىرىبى «جەكە برەندتى نولدەن باستاۋ» دەپ كورسەتىلگەن. الايدا، ءدارىس بارىسىندا تاقىرىپتان اۋىتقىپ، سپيكەر ۋنيۆەرسيتەت ساياساتىنا قايشى كەلەتىن پىكىرلەر ايتقان. بۇل ستۋدەنتتەر مەن قوعام تاراپىنان تەرىس رەاكتسيا تۋدىردى.
«نارحوز ۋنيۆەرسيتەتىندە كەز كەلگەن ساياسي نەمەسە ءدىني ۇگىت-ناسيحات جۇرگىزۋگە تىيىم سالىنعان. جاۋاپتى قىزمەتكەرلەرگە تارتىپتىك شارالار قولدانىلدى»، – دەدى ۋنيۆەرسيتەت پرەزيدەنتى.
قانات قوجاحمەت بولاشاقتا شاقىرىلاتىن قوناقتاردى مۇقيات باقىلاۋعا ۋادە بەرىپ، ورىن العان جاعداي ءۇشىن كەشىرىم سۇرادى.
«مۇنداي وقيعالار تەك بىزدە عانا ەمەس، گارۆارد، يەل جانە كولۋمبيا ۋنيۆەرسيتەتتەرىندە دە كەزدەسەدى. قاتەلەسپەيتىن ادام جوق. ءبىز ستۋدەنتتەرىمىز ءۇشىن كوپ جۇمىس اتقارىپ جاتىرمىز جانە كەز كەلگەن ماسەلەلەردى الداعى كەزدەسۋدە اشىق تالقىلاۋعا دايىنبىز»، – دەپ اتاپ ءوتتى قوجاحمەت.
ۋنيۆەرسيتەت اكىمشىلىگى ستۋدەنتتەر مەن قوعامدى جاعدايدى تۇسىنىستىكپەن قابىلداۋعا شاقىردى.
ەسكە سالساق، جەلىدە ستۋدەنتتەردىڭ ءدىني ءان ايتىپ، ءدارىس ءوتىپ جاتقان ۆيدەوسى تاراعان بولاتىن. ستۋدەنتتەر بۇنداي ءدارىس فورماتىن ۇناتپاي، ۋنيۆەرسيتەت باسشىلىعىنا شاعىمدانعان ەدى.
