Almaty äkımı Darhan Satybaldy Bostandyq audanyna jasaǧan jūmys sapary barysynda «Sakura» tūrǧyn üi keşenıne baryp, tūrǧyndarmen jäne basqaruşy kompaniiamen kezdestı. Tūrǧyndardyŋ negızgı ötınışı — jylumen üzdıksız qamtu jäne keşennıŋ injenerlık jüielerınıŋ tūraqty jūmysy boldy.
Kezdesu barysynda tūrǧyndar jylu men sumen jabdyqtaudyŋ tūraqtylyǧy jäne qazandyq jabdyqtarynyŋ jaǧdaiyna qatysty mäsele köterdı. Qūrylys kompaniiasy men qalanyŋ tiıstı qyzmetı atqarylǧan jūmys turaly baiandady. Qazırgı taŋda üş qazandyq tolyq jūmys ıstep tūr. Sondai-aq, tūrǧyn üi keşenı ortalyq su jüiesıne qosylǧan, apatty jaǧdai tuyndaǧanda qoldanylatyn qosalqy jelı de qamtamasyz etılgen.
Būdan bölek, qūrylys kompaniiasy gaz boiynşa bereşektıŋ bır bölıgın ötedı, basqaruşy kompaniianyŋ qarjylyq mındettemelerın retteu boiynşa jūmys jalǧasuda. Bereşektı öndırıp alu turaly sot şeşımı oryndaldy, jaǧdai qala tarapynan baqylauda tūr.
Qala äkımı tūrǧyn üi qory nysandaryn uaqytyly qyzmet körsetumen qamtamasyz etu jäne tūrǧyndar aldyndaǧy mındettemelerdı saqtau maŋyzdy ekenın atap öttı. Tiıstı basqarmalarǧa injenerlık jüielerdı tūraqty monitoringten ötkızıp, ötınışterge jedel jauap berudı jäne mūndai jaǧdailardyŋ qaitalanbauyn qamtamasyz etudı tapsyrdy.
Tūrǧyndar qalalyq qyzmetterdıŋ jedel aralasqany jäne jylumen qamtudyŋ qalpyna keltırılgenı üşın alǧys bıldırıp, jüienıŋ tūraqtanuy oŋ nätije berıp jatqanyn atap öttı.
